2:22 (2017) පෙර භවයන් තුනක ආත්ම තුනක, නැවත නැවතත් පුනරාගමනය වීමක්

ඔයා මේ ආත්මේ මෙහෙම මනුස්ස ආත්මයක් ලබලා හිටියට, ඔයා දන්නවද ඔයා හිය ආත්මේ කවුරු වෙලා ඉන්න ඇතිද කියලා? සාස්තර බලලා නම් ඇතැම් දෙනා කියනවා අහවල් කෙනා අහවල් කෙනා වෙලා හිටියා කියලා. ඒත් ඔයාට පුලුවන් නම් මේ ආත්මෙදි ඔයාට එදිනෙදා හමුවෙන හැමදේකම රටාවක් දකින්න. හරියට තරු එකිනෙක හදුනාගෙන තරු පන්ති අදුරගන්නවා වගේ. ඒ රටාවන් අදුරගන්න අතරේ ඔයාට පුලුවන් කමක් වෙනවා ඉස්සරහට වෙන්න තියෙන දේවල් ගැන පොඩි දිවැස් කීමක් කියන්න. මේක නිකන් මොළයෙන් ගහන ගේමක් හොදේ. මේ අතරේම ඔයාට පුළුවන් වෙනවා පෙර ආත්මේ ඔයා මැරිලා ගියපු විදිහ, ඒ තැන, කවුරු අතින්ද එහෙමත් දකින්න. එතනදී ඔයාට ඔයාගේ පෙම්වතියව වගේම ඔයාලා දෙන්නා අතරට ආපු අතරමැදියා නොහොත් තුන්වැනි පාර්ශ්වය දැකගන්න පුලුවන්. මේ ඔක්කොම වෙන අතරේ මේ රටාවන් කිහිපයත් හදුනගෙන ඔයාට පුලුවන් කමක් ලැබෙනවා අන්තිමේදී වෙන්නෙත් පෙර ආත්මයේ වෙච්ච දේමයි කියලා. ඒ කියන්නේ පෙර ආත්මයේ ඔයා මැරිලා ගියපු විදිහට ඔයා ඔයාගේ පෙමව්තිය එක්ක මැරිලා යනවා අර අතරමැදියා අතින්. ඒක නවත්තන්න ඔයාට අවස්ථාවක් ලැබුණොත්? ඔයා ඒක වෙනස් කරනවද නැත්තම් ඒක ඔහේ වෙන්න ඇරලා බලන් ඉන්නවද?

මේ කතාවේ ඩිලන් කියන්නෙත් එහෙම සිද්දියකට මුහුණ දෙන කෙනෙක්. එයා වැඩ කරන්නේ නම් ගුවන් තොටුපලවල් වල තියෙන at&t කුළුනක. ඒ කියන්නේ මෙතන තමයි සියළුම ගුවන් යානා වලට පියාසැරියන් වලට හා ගොඩ බැස්සවීමට අවසර ලැබෙන්නේ වගේම අවශ්‍ය උපදෙස් ලැබෙන්නෙත්. ඩිලන් කියන්නේ අවුරුදු 29 ක තනිකඩ කෙනෙක්. එයා එයා එයාගේ රැකියාවට හුගක් දක්ෂයි. මෙයාට අර පෙර සිද්දීන් දකින එක දිගින් දිගටම වෙලා රැකියාවේ අවුලක් සිද්දවෙනවා. ඒ තමයි නියමිත වෙලාවට ගුවන් යානා දෙකකට අවශ්‍ය උපදෙස් නොදී අරහෙම සිද්දියකට කොටු වෙලා හිටිය. ආහ්හ්, අමතක උනානෙ, මේ සිද්දිය වෙන්නේ 2:22. අනික් වෙලාවටත් වෙනින් දේවල් වෙනවා. හැබැයි 2:22 කියන්නේ හරියට දෛවයේ වෙලාව වගේ. මං නම් හුගක්ම ආසම සිද්දිය තමයි ඩිලන් අන්තිම මොහොතෙදි ගුවන් යානා දෙක ගෑවෙන නොගෑවෙන තරමට එකක් ගොඩබෑමට හා අනික පියසාර කිරීමට අවශ්‍ය උපදෙස් ලබා දුන්න විදිහයි. ඒත් ඉතින් ඒ වෙච්චි වැඩෙ හරි නොගියා නම් එයාගේ අතින් මිනිස්සු 900ක් විතර මැරිලා යනවා. මේ වැඩෙන් එයාට එයාගේ රස්සාව මාසෙකට නැති වෙනවා. අර ගුවන් යානයක ඉදලා තියෙනවා එයාගේ ඉරණම්කාරී. මොකද වෙන්නේ කියලා බලන්නකෝ. තවත් වැඩිය දේවල් කියන්නේ නෑ ඔන්න.