Abraham Ozler (2024) විච්ඡේදිත සත්‍යයය

පහු ගිය දවස් දෙකේ විශාල ඉල්ලීම් ප්‍රමානයක් ගලා ගෙන ආපු Crime thriller ශානරයෙ මේ වසරෙ නිකුත්වූ BOX OFFICE HIT එකක් අද මම ගෙන එනවා. දවස් දෙකක් ප්‍රමාද උනේ මේකෙ උපසිරැසිය තරමක අභියෝගයක් . ඒක වඩාත්ම නිවැරදිව ඔබට දෙන්න ඕනෙ නිසා තමයි පරිස්සමින් ඒක කලේ. IMDB 6.8ක් පෙන්නන මේ චිත්‍රපටය ගැන නොදන්න මලයාලි රසිකයෙක් නෑ. ඒ තරමටම ආශාවෙන් බලා සිටපු චිත්‍ර පටයක්. ඉන්දියාව හොල්ලන මලයාලම් බොක්ස් ඔෆිස් පෙරහරේ මුල් පහ අතර ඉන්න මේ චිත්‍ර පටය මේ වෙනකොට ඉන්දීය රුපියල් කෝටි 50ක සීමාවට කිට්ටු කරල ඇති.

ඔයාලට මතක ඇති ANJAAM PATHIRAA 2020 කියන මේ ශානරයේම ආපු සුවිශේෂ චිත්‍රපටය. ඒකෙ අධ්‍යක්ෂක මිදුන් මැනුවල් තෝමස් තමයි ඉර්ශාඩ් හසන් සමග එක් වෙලා මේක අධ්‍යක්ෂණය කරන්නෙ.අන්ජාම් පාතිරා බලපු නිසාම තමයි රසිකයො මේක ගැන ගොඩක් බලාපොරොත්තු තියා ගත්තෙ, ඒව ඉටු උනාද? මම හිතන්නෙ ඔව්. තවත් ඒ විදිහෙම එකක් තමා මේ.

මේකෙ කතාව කියල පොඩ්ඩක්වත් SPOIL කරන්න හොඳ නෑ..මිනී මැරුම් කිහිපයක් පස්සෙ පන්නන පොලිස් නිලධාරියෙක්. මිනී මැරුම් කලේ කව්ද? ඇයි? කලේ කොහොමද? අන්තිම ප්‍රශ්ණය දෙවෙනි කොටසකුත් තියේවිද?

ජයරාම් ප්‍රධාන චරිතය රඟපාද්දී මම්මූටි මේකෙ සුපුරුදු චරිත වලින් බැහැර චරිතයක් කරනවා. අනස්වරා, අර්ජුන් අශෝකන්,සයිජු කුරුප්,ජග්දීශ්, දිලීෂ් පෝතාන් වැනි ප්‍රසිද්ධ නළු නිළී කැලක් මෙහි රඟ පානවා..