Bharathanatyam (2024) With Sinhala Subtitles | එක වගේ නිශ්පාදන දෙකක්

ආයුබෝවන්. අද මැතිවරණය දවසෙ ප්‍රතිඵල අහන ගමන් බලන්න මලයාලියක් එවනවා. සමහර මලයාලි රසිකයින්ගෙ චෝදනාවක් නෙ මලයාලි චිත්‍රපට ගොඩක් මග ඇරෙනව කියල. ඒක මට අදාළ නෑ මොකද මම පුළුවන්උපරිම විදිහට උපසිරැසි ඉදිරිපත් කරනවා. ඒත් අත ඇරෙන අතලොස්සෙන් ටිකක් හරි හොඳ ඒව තිබුනොත් පහු වෙලා හරි  වෙලාවක් ලැබුනොත් ඒකට උප සිරැසියක් නිකුත් කරනවා. එහෙම තෝර ගෙන තිබුනු අවසාන එක තමයි මේ. මේකත් ඉතා සරල මලයාලම් පවුල් කොමඩියක් කිව්වොත් නිවැරදියි. මේ වගේ කතා ගියා වසරෙ නම් ගොඩක් නිකුත් උනත් මේ වසරෙ පොඩි අඩුවක් උනා වගේ පෙනුනා. ඒ නිසාම මේ කතාව අළුත් විදිහකට දැනේවි. කොහොම උනත් කාටවත් අහුවෙන්නෙ නැති අළුත් ප්ලොට් හොයන්න ඔවුන්ගෙ තියෙන දක්ෂ කම මේකෙනුත් පැහැදිලි වෙනවා.

මේ කතාවෙ වියපත් දෙමාපිය යුවලක් ඉන්නවා. ඔවුන්ට දරුවන් හතර දෙනෙක්.  බොහොම සාමයෙන් ගත කරපු ඔවුන්ට පොඩි කරදරයක් වෙන්නෙ ඒ තාත්තා අසනීප වී එක්තැන් වීමත් සමග. ඒ උනත් දරුවන්ගෙ විය යුතු යුතු කම් මත කිසි අඩු පාඩුවක් නොමැතිව වෙද හෙද කම් හා සැලකුම් ලබද්දී තාත්තා විසින් හෙළි කරන එක් රහසක් නිසා සියල්ල උඩු යටි කුරු වෙනවා. හැම වෙලාවෙම දොරෙන් එබිකම් කරමින් අනෙකාගේ කටයුතු වලට අත පොවන්න උත්සාහ කරන සමාජයකින් මේ රහස රැක ගෙන ඉදිරියට යන්න කරන උත්සාහයත් ඒ හා බැඳුනු අනිත් ප්‍රශ්ණත් මේ කතාවට පාදක වෙනවා.

ක්‍රිශ්ණදාස් මුරලිගේ කුළුඳුල් අධ්‍යක්ෂණයක් වන මෙහි සයිජු කුරුප්, සායි කුමාර්, කලාරංජිණී, ශ්‍රීජා රවි රඟපානවා.

Bharathanatyam (2024) With Sinhala Subtitles | එක වගේ නිශ්පාදන දෙකක්