Debt Collectors (2020) ණය එකතුකරන්නො ආයෙමත්…

ඔබ Scott Adkins ගෙ රසිකයයෙක් නම් මේ චිත්‍රපටයත් ඔබට සතුටුදායක නිර්මාණයක් වේවි! මේකත් ඔහුගේ අනික් චිත්‍ර‍පටි වගේම අතපය විසිකරගෙන ලේ හලාගෙන තියන ක්‍රියාදාම චිත්‍ර‍පටියක්. දන්නවනෙ ඉතින් Scott Adkins ගේ චිත්‍රපටි වල සටන්ජවනිකා වල හැටි.😁 හොඳ ක්‍රියාදාම සටන් ටිකක් තියෙනව මේ චිත්‍රපටය තුලත්.👍

ඉතින් French ගෙ පරණ මිත්‍රයා Sue ඩබල එකතුවෙලා Tommy කියන ඔහුගෙ ලොක්කට අයිති මුදල් ප්‍රමාණයක් එකතු කිරීම සඳහා අන්තිම වතාවට එකගතාවයකට අවිල්ල අතපය කඩමින් සාහසික ලෙසින් Las Vegas වල මුදල් එකතුකරමින් ඇවිදින කතාවක් තමයි අපිට ඉදිරියට මේ චිත්‍රපටය තුල නරඹන්නට තිබෙන්නෙ. මේ Tommy බොසාගෙ මේ මුදල් එකතු කිරීමට අමතරව මොවුන්ට වෙනස්ම ගැටලු වගයකටත් මුහුනදෙන්නට සිදුවෙනවා. ඒ පරණ තරහකාරයෙක්ගෙන්. ඉතින් මුලින්ම බාර් එහෙක වලියකින් පටන්ගත්ත වගේම අවසානයත් සිදුවන්නෙ බාර් එහෙක සිදුවන යුද්ධයකි අනතුරුවයි. කොහොමහරි චිත්‍රපටයෙ සම්පූර්ණ කතාව ගත්තම සරල කතාවක් තියෙන්නෙ. ඒත් අර අතරින් පතර තිබෙන සටන්ජවනිකා එක්ක චිත්‍රපටය ඒකාකාරී බවින් මිදිල තිබෙනවා..