Devil: The British Secret Agent (2023) බ්‍රිතාන්‍ය රහස් නියෝජිතයා

පහුගිය දෙසැම්බර් 29 වෙනිදා තිරගත කිරීම් ඇරඹි නන්දමුරි පවුලේ හැමදාමත් වෙනස් වැඩ කරන නන්දමුරි කල්‍යාන් රාම් රගනයෙන් දායක උනු අළුත්ම තෙළුගු සිනමාපටය DEVIL : “බ්‍රිතාන්‍ය රහස් නියෝජිතයා” තමයි මේ.. හැමදාම OTT සර්ප්‍රයිස් දෙන ප්‍රයිම් වීඩියෝ මෙදා පාර මේ ෆිල්ම් එකත් තිරගත කිරීම් අරඹලා දවස් 15ක් යත්ම OTT රිලීස් කරා..

අභිෂේක් නමාගේ අධ්‍යක්ෂණයෙන් හැඩවුනු මේ ෆිල්ම් එකේ 1945 ඉන්දියාවට නිදහස ලැබෙන්න කලින් කාලසීමාවේ චරිතාප්‍රධාන කතාවක් පදනම් කරගෙන තමයි මේ කතාව ගෙතෙන්නේ.. ඒවගේම ඇක්ෂන් / ස්පයි ශානරයට අයිති මේ කතාව මුල ඉදලා ඉවර වෙනකන් එන්ජෝයි කරන්න පුළුවන්.. ඒ අතරම විදින්න පුළුවන් සිංදු කීපයකුත් තියෙනවා. මේ ෆිල්ම් එකට මික්ස් රිවිව්ස් ලැබුණත් තවමත් ෆිල්ම් එක IMDB දර්ශකයේ ඉහල අගයක තියෙනවා අපිට බලාගන්න පුළුවන්..

ෆිල්ම් එක ගැන එහෙම කතා කරද්දි අපේ වීරවරිය සම්‍යුක්තා මෙනන් ගැන කතා නොකළොත් ලොකු අඩුවක්.. මට මතක විදියට මලයාලම් සිනමාවෙන් ක්ෂේත්‍රයට එන සම්‍යුක්තා මෑත කාලීනව ආපු “විරූපාක්ෂ” ෆිල්ම් එකෙනුත් දනුෂ් එක්ක රගපෑ “වාති” ෆිල්ම් එකෙනුත් ඇය තවත් ප්‍රේක්ෂක ආකර්ශනය දිනාගන්න සමත් වෙනවා. ඒවගේම මේ ෆිල්ම් එකෙත් ඇයට ලැබුණු චරිතයට උපරිම සාධාරණයක් කරනවා අපිට බලාගන්න පුළුවන්