Equilibrium (2002) හැඟීම් දැනීම් නැති ලෝකයක්

සිව්වන ලෝක යුද්ධයක් ඇති වුවහොත් මනුෂ්‍ය වර්ගයාට බේරෙන්න බැරි වෙයි කියල හිතන, තුන්වන ලෝක යුද්ධයෙන් බේරුණ මිනිස්සු ආයෙත් යුද්ධයක් ඇති නොවෙන්න කියල හදනව අලුත් නීති පද්ධතියක්. “ග්‍රැමටන් ක්ලැරික්” කියල හඳුන්වන මේ ක්‍රමයේ, ප්‍රවීණයෙක් තමයි ජෝන් ප්‍රෙස්ටන් කියන්නෙ. එම ක්‍රමය තුලින් මිනිස්සුන්ට හැඟීම් විරහිතව ජීවත් වෙන්න බලකරනවා. ඉතින් හැඟීම් විරහිත කරන්න ඔවුන් භාවිතා කරනවා ‘ප්‍රොසියම්’ කියන ඖෂධය. දවසක් ජෝන් ප්‍රෙස්ටන්ට මේ ඖෂධ මාත්‍රාවක් මගහැරෙනවා. එම නිසා ඔහුට හැඟීම් ඇතිවෙන්න පටන්ගන්නවා. හැබැයි හැඟීම් ඇතිවුනා කියන්නෙ මරණ දඩුවම හිමිවන දරුණු අපරාධයක්. ඉතින් ඒ අපරාධ නවත්වන්න ඉන්න කෙනෙක්ටම හැඟීම් ඇතිවුනාම මොනව වෙයිද? ඒක දැනගන්න චිත්‍රපටිය බලන්නම වෙනවා..