Garudan (2024) With Sinhala Subtitles | යුක්තියට එරෙහි අසීමාන්තික කෙළෙහිගුණය

කරුණා සහ ආදි කෝම්බෛ කියන ගමේ හොල්ලන්න බැරි අතු දෙකක්. මේ දෙන්නා හොඳම යාළුවෝ වගේම ශක්තිමත් බැඳීමක් දෙන්නා අතරෙ තිබුණා. මේ බැඳීම තවත් ශක්තිමත් කරන්න කළගුණ දත් බල්ලෙක් මෙයාලා දෙන්නත් එක්කම වාසය කළා. ඒ සොක්කන්. අනාථයෙක්ව හිටි සොක්කන් පුංචි කාලයෙදි කරුණා දුන් බත් පතකින් ආරම්භ වුණ මේ ගැතිකම වැඩිමහල් වෙනතුරුත් නොවෙනස්ව තිබුණා. සොක්කන් කරුණාට විශ්වාසවන්ත සේවකයෙක් විදියට ජීවත් වුණා. මොවුන් තිදෙනා අතරට පිටතින් පැමිණි කීප දෙනෙක් බලපෑම් කරන්න ගන්නවා. වියෝවීම්, කරදර වලට මුහුණ දෙන්නට වෙනවා. මොහොතකදී සොක්කන්ට යුක්තියද, විශ්වාසවන්ත කමද කියන විකල්ප දෙකෙන් එකක් තෝරාගන්න සිදු වෙනවා.

ඉ.රු. කෝටි 20ක පමණ මුදලකින් නිෂ්පාදනය කළ ගරුඩන් මේ වසරේ මැයි මස 31 දින තිරගත කිරීමෙන් පසුව ඉ.රු. කෝටි 50 ඉක්මවූ ආදායමක් උපයා ගනු ලබනවා. ඒ වගේම චිත්‍රපටයට විචාරකයන්ගේ හා ප්‍රේක්ෂකයන්ගේ ඉතා යහපත් ප්‍රතිචාර හිමි වුණා. Imdb හි මීට ලැබී ඇති රේටින් අගය 7.7ක්. TOI විසින් 3.5/5ක්, OTTPlay විසින් 3/5ක්, Only Kollywood විසින් 3.7/5ක් ලෙස ඔවුන්ගේ අගය කිරීම ලබා දී තිබෙනවා.