I Am Soldier (2014) නිර්භීත සෙබළා

S.A.S. (Special Air Service) කියන්නේ එක්සත් රාජධානියට අයත් විශේෂ කාර්ය බලකායක්. මේ බලකාය ලෝකයේ ඇති විශේෂ, රහස් හා ප්‍රසිද්ධ මෙහෙයුම් වල නිරතවන අති විශිෂ්ට බලකායක්. මේ බලකායට තෝරාගැනීමේ පරීක්ෂණය ලෝකයේ ඇති අපහසුම පරීක්ෂණයක්. මෙම පරීක්ෂණයේ අවසන් අදියර වන විට ඉතිරිවන්නේ ආරම්භක අයදුම්කරුවන්ගෙන් 10%ටත් වඩා අඩු ප්‍රමාණයක්. ඒ වගේම මෙම බලකායට අවසානයට තෝරාගන්නා අය ලෝකයේ සෑම ආයුධයක්ම පාවිච්චි කරන්නට දන්නා ඒ වගේම ඕනෑම අවස්ථාවකට මුහුණදීමට සමත් හා ඕනෑම තත්වයකට ඔරොත්තු දෙන නිර්භීත පිරිසක්. ඔවුන් ඒ සඳහා සූදානම් කිරීම සඳහා අති විශේෂ පුහුණුවක් ලබා දෙනවා. (Film එකේ විදිහට නම් එහෙමයි.)

ඉතින් මේ film එකේ තියෙන්නේ මිකී ටොම්ලින්සන් කියන හමුදාවේ කෝකිවරයෙක් S.A.S. බලකායට ඇතුළත් වීමට දරණ උත්සාහය සහ ඊට පසු ඔහුට ලැබෙන පුහුණුව ගැනයි. මේක කොහොම වෙයිද..? මිකී බලකායට ඇතුළත් කරගනියිද..? ඒ ටික දැනගන්න ඔයාලට මේක බලන්නම වෙනවා.