Irugapatru (2023) වෙන් නොවී ඉන්න!

මේ චිත්‍රපටයේ යුවල තුනකගේ, කතා තුනක් විදියට දිවෙනවා. මිත්‍රා නම් විවාහ උපදේශිකාව, ඇයගේ සැමියා මනෝ රණ්ඩු නැති විවාහ ජීවිතයක් ගෙව්වා. රංගේෂ් සහ ඔහුගේ බිරිඳ පවිත්‍රා යුගලයත්, අර්ජුන් සහ දිව්‍යා යන යුගලයත් අතරේ යම් යම් හේතු නිසා රංඩු ඇතිවෙලා තිබුණා. මේ යුගලයන් දෙක විවාහ උපදේශනය වෙනුවෙන් මිත්‍රාගේ ළඟට එනවා. මිත්‍රාට මේ යුගලයන්ගේ ප්‍රශ්න, පැටලිලි විසඳලා සතුටු ජීවිතයක් ගත කරන්න මග පාදලා දෙන්න පුළුවන් වෙයිද? මෙයින් සාකච්ඡාවට ගන්න මාතෘකාව වෙන්නේ ආරවුල් ඇති සැමියා බිරිඳ දෙපළට තියෙන අවසාන විකල්පය දික්කසාදය ද යන්නයි. ඒත් ඊට වඩා ආදර්ශයක් දෙන දේවල් මේ කතාවේ අන්තර්ගත වෙනවා. ගොඩක් අයට වැදගත් වෙයි.

පසුගිය වසරේ ඔක්තෝබර් 6 දා නිකුත් වුණ මේ චිත්‍රපටයට අධික වශයෙන් ධණාත්මක ප්‍රතිචාර හිමි වුණා. Imdb වෙබ් අඩවියෙන් මීට ලැබී තිබෙන රේටින් අගය 8.1/10ක්. බොක්ස් ඔෆිස් ආදායම් වශයෙන්ද සාර්ථක ආදායමක් උපයා ගත්තා. ඒ වගේම 2023 වසරේ හොඳම චිත්‍රපට 10 විදියට ලැයිස්තුවක් හැදුවොත් මේ චිත්‍රපටිය ඒ ලැයිස්තුවේ ඉඩක් වෙන් කරගෙන තියෙනවා.