Joram (2023) පළායන්නා

ඉන්දියාවේ ජාර්කන්ඩ් ප්‍රාන්තයේ වනය ආශ්‍රිත දුෂ්කර ආදිවාසීන් ජීවත් වන ගමක්. එහි සිදුවන සංවර්ධනය ඔවුන්ට බලපාන්නේ හොඳටද නරකටද? ඔවුන්ගේඉඩම් ගස් වැල් ගංගා ඇලදොළ ගොවිතැන් යකඩ පතල් සහ ෆැක්ටරි බිලි වෙද්දී කඩදාසි වල නොලියවුනු දෑත් වල තිබූ ඔවුන්ගේ උරුමය අහිමි වෙද්දී , ඔවුන් දුනු හීතල වෙනුවට ආයුධ අතට ගන්නවා. ගස්වැල් ගොවිතැන් වියළී යද්දී ගංගා මිය යද්දී, ඔවුන්ගේම නායකයින් ඔන්න ගමට අධිවේග,ආරෝග්‍යශාලා, සිනමා හල්, ශොපින් මෝල් ගෙන ඒමට පිඹුරුපත් සැකසෙනවා ඒ තමයි සංවර්ධනය, එහෙත් තුවක්කුවට අකමැතිව කැරළි කන්ඩායම් වලින් ඉවත් වී සිය බිරිඳ සමග මුම්බාය බලා යන එක්තරා තරුණයෙක්.ඔහුගේ මරණය පතා පසු පස ලුහු බඳින ඔහුගේම බියකරු අතීතය හා සම්බන්ධ ඔවුන්ගේ ගෝත්‍රයේම දේශපාලන නායිකාවක් සහ ඒ තුල සිරවී ඔහු පසු පස පන්නන පොලිස් නිලධාරියෙක්.

ජීවිතය බේරා ගැනීම සඳහා නැවත සිය ළදරු දියණිය සමග උපන් ගමට පැමීණෙන ඔහුට යහතින් වසන්න හැකි වෙයිද..?