Kandahar (2023) රුදුරු මුඩුබිම

Kandahar,   රික් රෝමන් වෝ විසින් අධ්‍යක්ෂණය කරන ලද සහ මිචෙල් ලාෆෝචූන් විසින් රචනා කරන ලද 2023 ඇමරිකානු ක්‍රියාදාම චිත්‍රපටයකි. මෙම චිත්‍රපටයේ ජෙරල්ඩ් බට්ලර් (නිෂ්පාදකයෙකු ද වේ) රංගනයෙන් දායක වන අතර Ali Fazal, Navid Negahban, Bahador Foladi, Nina Toussaint-White, Tom Rhys Harries, Vassilis Koukalani, Mark Arnold, Corey Johnson, සහ Travis Fimmel ඇතුළු සහය නළු නිළියන් රැසක් රංගනයෙන් දායක වේ.

රහසිගත CIA නියෝජිතයෙක් වෙන ටොම් හැරිස් ඉරානයේ න්‍යෂ්ටික බලාගාරයක් සාර්ථකව කඩාකප්පල් කරලා ආපහු එන්න හදනකොට ඇෆ්ගනිස්තානයේ තවත් මෙහෙයුමක් බාර වෙනවා. මෙයාට ඒකට ඇෆ්ගන් ජාතික භාෂා පරිවර්තකයෙකුත් ලැබෙනවා. ඒ අස්සේ මාධ්‍යවේදීනියක් කරන වැඩක් නිසා ටොම් විසින් ඉරාන න්‍යෂ්ටික බලාගාරය විනාශ කරපු සිද්ධිය එළිවෙලා මැදපෙරදිග හැම රටකින්මත්, අල්කයිඩා, ISIS වගේ ත්‍රස්ත සංවිධාන වලිනුත් ටොම්ව ප්‍රසිද්ධ කරලා අල්ලගන්න හොයනවා. CIA සංවිධානයට තමන්ගේ නියෝජිතයව බේරගන්න කරන්න පුළුවන් එකම දේ තමයි ඇෆ්ගනිස්තානයේ කන්දහාර් නුවර තිබෙන පරණ CIA කඳවුරකට ගුවන් යානයක් එවන එක. ඉතිං ටොම්ට මේ ගුවන් යානයට නගින්නනම් සැතපුම් 400ක් ගමන් කරන්න ඕන ඒ වගේම ටොම්ගේ පස්සේ ලෝකයේ භයානකම ත්‍රස්ත සංවිධාන සහ මැදපෙරදිග බලවත් රාජ්‍යනුත් පන්නනවා. මේ හැමෝගෙන්ම බේරිලා ටොම්ට කන්දහාර්වල තියෙන ගුවන් යානයට නගින්න පුළුවන් වෙයිද ?