Kantara (2022) අත්භූත වනාන්තරය

Kantara කියන්නෙ පහුගිය කාලය පුරාවට වැඩි දෙනෙක්ගෙ කටාබහට ලක් වුන චිත්‍රපටයක්.චිත්‍රපටය අධ්‍යක්ෂණය , රචනය , ප්‍රධාන නලුවාගේ රංගනය යන මේ තුනම එක් පුද්ගලයෙක් විසින් කරන බොහෝම දුර්ලභ අවස්තාවක් තමයි මේ.මේ අතිසාර්ථකව නිර්මාණයේ අයිතිකරු ඔහු නමින් Rishab Shetty.   KGF Chapter 2 හරහා ඉමහත් ප්‍රසිද්ධියට පත් Hombale Film ඉදිරිපත් කරන මේ වසරේ ඔවුන් දෙවැනි ජයග්‍රාහී කඩඉම ලෙසින් මෙය දක්වන්න පුලුවන්. පැය දෙකහමාරකට ආසන්න කාලයක් දිවෙන මෙය Fantasy | Thriller කාණ්ඩයේ චිත්‍රපටයක්.පහුගිය සැප්තැම්බර් 30 වෙනිදා ලොවපුරා තිරගත කිරීම ආරම්භ කොට මහත් ජනප්‍රියත්වය නිසා අනිකුත් ප්‍රධාන ඉන්දීය භාෂාවලින්ද ඒ ඒ ප්‍රාන්තවල මෙය තිරගත කිරීම කෙරුනා.ඉන්දියානු රුපියල් කෝටි 16ක් වැනි අඩු මුදලකින් නිෂ්පාදන කල එය බොක්ස් ඔෆිස් හි ඉන්දියානු රුපියල් කෝටි 400ට අධික ආදායමක් උපයන්න මේ වනවිට සමත්ව තිබෙනවා.ඒ කන්නඩ සිනමාවේ එතෙක් මෙතෙක් වාර්තා වූ දෙවන ඉහලම ආදායමට හිමිකම් කියමින්.