Knock at the Cabin (2023) අභිරහස් අමුත්තො

Descriptions:

මනෝජ් නෙල්ලියාටු ශ්‍යාමලාන් එහෙම කිව්වම අඳුරන්නේ නැත්තම් ඔයාලා එම්. නයිට් ශ්‍යාමලාන්ව අඳුරනවා ඇති නේද. හොලිවුඩය ජයගත් ඉන්දියානුවන් අතලොස්සෙන් එක්කෙනෙක් විදියට අපිට ශ්‍යාමලාන් මහත්මයාව හඳුන්වන්න පුළුවන්. විශේශයෙන්ම අධිස්වාභාවික කතා තේමා සහ ප්‍රේක්ෂකයාට සුපිරි ට්විස්ට් එන්ඩින් ලබාදුන්න කෙනෙක් විදියටත් එතුමා සෑහේන ප්‍රසිද්ධයි. 1992 දී Praying with Anger සිනමාපටයෙන් අධ්‍යක්ෂනයට අත්පොත් තබන නයිට් ශ්‍යාමලාන් හොලිවුඩයේ නම් දරාපු චිත්‍රපට අධ්‍යක්ෂකවරුන් අතරට එක් කරන්න පුළුවන්. 1999දී The Sixth Sense චිත්‍රපටයෙන් තමයි එතුමා පළමු වරට ලොවම කතාබහට ලක් වුන අධ්‍යක්ෂවරයෙක් වෙන්නේ. The Sixth Sense (1999) බලපු අය දන්නවා ඒකේ අන්තිමට තිබුන සුපිරි ට්විස්ට් එක ගැන. ඊටපස්සේ ශ්‍යාමලාන් මහත්මයා Unbreakable (2000) , Signs (2002) , The Village (2004) , Old (2021) , The Visit (2015) වගේ ආන්දෝනලාත්මක සිනමාපට රැසක් අධ්‍යක්ෂනය කරනවා. විශේෂයෙන්ම ඔහුගේ Unbreakable සිනමාපට ත්‍රිත්වය අති විශිෂ්ට බවට සහතික කරන්න පුළුවන්

මේ පෙරළිකාර අධ්‍යක්ෂවරයගේ නවතම සිනමාපටයට තමයි මම අද උපසිරසි අරගෙන ආවේ. මේ චිත්‍රපටයෙත් ශ්‍යාමලාන්ගේ සුපුරුදු ආවේණික ලක්ෂන බොහෝමයක් ඔයාලට දකින්න ලැබෙයි. Knock at the Cabin (2023) චිත්‍රපටය 68%ක ගූගල් පරිශීලක කැමත්ත ලබාගන්නත්, මේ වෙද්දි 6.2ක IMDb අගයක් ලබාගන්නත් සමත් වෙලා තියෙනවා. Mystery/ Horror / යන කාණ්ඩයන්ට තමයි චිත්‍රපටය වර්ගීකරණය කරලා තියෙන්නේ. ඒ වගේම ඩොලර් මිලියන $48ක ආදායමක් උපයලා තියෙන බවත් මතක් කරන්න ඕන. රංගනයෙන් දායක වෙන පිරිස ගැන බැලුවොත් WWE රසිකයෝ ආදරය කරන මේ වෙද්දි හොලිවුඩයේ ජනප්‍රිය චරිතයක් වෙන Dave Bautista, Johanathana Groff, Ben Aldrige, Kristen Quinn, වගේම අපේ රොන් වීස්ලි කොළුවා නොහොත් Rupert Grint වත් ඔයාලට මේකේ බලාගන්න පුළුවන්. නයිට් ශ්‍යාමලාන් මහත්මයාගේ අනිත් චිත්‍රපට වගේම මේ නිර්මාණයෙත් කතාව කියන්න ගියොත් රසය නැති වෙන නිසා මම මුකුත් කියන්නේ නෑ..

Overview

While vacationing at a remote cabin, a young girl and her two fathers are taken hostage by four armed strangers who demand that the family make an unthinkable choice to avert the apocalypse. With limited access to the outside world, the family must decide what they believe before all is lost.

Trailer