Kshanam (2016) අදහාගත නොහැකි පැහැරගැනීම…

කතාව ගැන කියනවනම් ඉතිං, මං මුලින්ම කිව්වා වගේ කොහෙන් පටන්ගෙන මොනවා ලියන්නද කියලා හිතාගන්නවත් බෑ.ඒත් ඉතින් මුකුත් නොකියා හොඳ නෑනේ.ඒ නිසා පොඩ්ඩක් කියන්නම්.රිශී කියන්නේ ඇමරිකාවේ පදිංචිව සිටින සාර්ථක ව්‍යාපාරිකයෙක්.දවසක් මෙයාට හදිසියේම කෝල් එකක් එනවා ඉන්දියාවෙන්.ඒ වෙන කාගෙන්වත් නෙමෙයි, වසර 4කට පෙර තමන්ගේ ප්‍රාණ සම වැනි වූ, දැන් වෙනත් කෙනෙකුට අයිති වූ, පෙම්වතියගෙන්.ඇය රිශීගෙන් ඉල්ලනවා හැකි ඉක්මනින් ඉන්දියාව බලා පැමිණෙන ලෙසට.ඉන්දියාවට පැමිණෙන රිශීගෙන් මෙම තරුණිය එකම එක උදවුවක් ඉල්ලනවා.ඒ තමයි එයාගේ දුවව හොයාලා දෙන්න කියලා…. මීට වඩානම් මුකුත්ම කියන්නේ නෑ. එහෙම වුනොත් කතාවේ කිසිම රසයක් නැති වෙනවා. කතාවේ පලවෙනි මිනිත්තුවේ ඉඳලා අවසාන මිනිත්තුව දක්වාම කුතුහලය සමගින් අභිරහස් ස්වරූපය උපරිමයි. පුරා හෝරා දෙකක් පුරාවටම ක්ෂණයක් ක්ෂණයක් පාසා ප්‍රේක්ෂකයාට යමක් ඒත්තු ගන්වා, අනෙක් ක්ෂණයේදී ඊට හාත්පසින්ම ප්‍රතිවිරුද්ධ අදහසක් ප්‍රේක්ෂක සිත් සතන්හි ජනිත කරලීමට මෙම චිත්‍රපටය බෙහෙවින්ම සමත්කම් දක්වනවා. එම නිසා සියලු දෙනාගෙන්ම ඉල්ලා සිටිනවා, විශේෂයෙන්ම තෙලිඟු, දමිළ නිර්මාණ නරබන්නේ නැති අයගෙන්..පුලුවන්නම් අරගෙන බලන්න. සමහරවිට ඔබ තෙලිඟු, දමිළ නිර්මාණ නැරබීමට යොමුකරනා හැරවුම් ලක්ෂය මෙය වීමට පුළුවන්. තවමත් ඔබ සතුව පොඩි හෝ සැකයක් තිබෙනවානම්, ට්‍රේලර් එක බලලා ඉන්නකො. ඔබගේ සියලු සැක සංකා දුරුවේවි…