Pathonpatham Noottandu (2022) දහනවවැනි සියවස

Pathonpatham Noottandu 2022 නොහොත් දහනවවැනි සියවස 2022 චිත්‍රපටය ඉන්දියානු

මලයාලම් භාෂා ක්‍රියාදාම සහ කාලවධි සහ නාට්‍යමය වර්ගයට වෙන් වූ චිත්‍රපටයක් වෙනවා.Pathonpatham Noottandu 2022 කතාව ලියා අධ්‍යක්ෂණය සිදුකර තිබෙන්නේ ඉන්දියානු තිරපිටපත් රචකයෙක්,චිත්‍රපට නිෂ්පාදකවරයෙක්,ගී පදරචකයෙක් මෙන්ම සිනමා අධ්‍යක්‍ෂකවරයෙක් ලෙස මලයාලම් සිනමා ක්‍ෂේත්‍රය තුල මෙන්ම ද්‍රවිඩ සිනමාව තුලද ක්‍රියාකාරිව සිටිනා T. G. Vinayakumar චිත්‍රපට අධ්‍යක්‍ෂකවරයායි.  ඔහු 1989 වසරේ සිට මේ දක්වා චිත්‍රපට තිහකට අධික සංඛාවක් සිනමා ක්‍ෂේත්‍රයට දායක කිරීමට සමත් වී තිබෙනවා.ඒ වගේම Pathonpatham Noottandu චිත්‍රපටය නිෂ්පාදනය කර තිබෙන්නේ ශ්‍රී ගෝකුලම් මූවීස් නිෂ්පාදන ආයතනය හරහා වෙන අතර චිත්‍රපටය සඳහා නිෂ්පාදන දායකත්වය දක්වා තිබෙන්නේ ගෝකුලන් ගෝපාලන් චිත්‍රපට නිෂ්පාදකවරයායි. Pathonpatham Noottandu 2022 චිත්‍රපටයේ සිනමාරූපනය කටයුතු කර තිබෙන්නේ මලයාලම් සහ දමිල සිනමා කර්මාන්තය තුල සිනමාරූපන ශිල්පියෙකු ලෙස කටයුතු කරනා ශාජි කුමාර් වෙන අතර ජාතික සම්මානයෙන් පිදුම් ලබා සිටින විවේක් හර්ෂන් Pathonpatham Noottandu චිත්‍රපටයේ  සංස්කරණ කාර්‍යය සිදුකර තිබෙන අතර පසුබිම් කථනය සිදුකරන්නේ සුප්‍රසිද්ධ මලයාලම් නළුවන් දෙපලක් වෙන Mohanlal Viswanathan සහ  Muhammad Kutty Panaparambil Ismail නොහොත් Mammoottyයි.ඒ වගේම ගීත රචකයෙක් සහ සංගීතඥක් වෙන සංතෝෂ් නාරායනන් Pathonpatham Noottandu චිත්‍රපටයේ සංගීත අධ්‍යක්‍ෂනය සිදුකර තිබෙන අතර ගී පද රචනා  M.ජයචන්ද්‍රන් සහ රෆීක් අහමඩ් නිර්මාණය කර තිබෙනවා. Pathonpatham Noottandu චිත්‍රපටයේ ගීත නිර්මාණ  5 ක් අඩංගු වී තිබෙන අතරම “Pootham Varunnedi” ගීතය ගායනා කරන්නේ Sayanora Philip ගායන ශිල්පියායි එසේම “Mayilpeeli Ilakunnu” ගීතය Mridula Warrier සහ  K. S. Harisankar ගායක දෙපල ගායනා කරන අතර “Karumban Inningu Varumo” ගීතය Narayani Gopanසහ Nikhil Raj ගායක දෙපලද  “Vaanam” ගීතය Unni Elyaraja සහ  Sithara Krishnakumar ගායක දෙපලද  “Parava Padunna” ගීතය Pandalam Balan ගායකයා විසින් ගායනා කර තිබෙනවා.මිනිත්තු 158 ධාවන කාලයක් සහිත Pathonpatham Noottandu 2022 චිත්‍රපටය 2022 වසරේ සැප්තැම්බර් 8 වෙනිදා ශ්‍රී ගෝකුලම් මූවීස් සහ ඩ්‍රීම් බිග් ෆිල්ම්ස් ආයතන හරහා ප්‍රදර්ශනය සඳහා නිකුත් කර තිබෙනවා.ඒ වගේම Pathonpatham Noottandu 2022 චිත්‍රපටය වෙනුවෙන්  ලැබී ඇති IMDb අගය  7.2/10 ක් වෙන අතරම ගූගල් පරිශීලක අගය 87% ක් ලෙස පෙන්වා තිබෙනවා. Pathonpatham Noottandu 2022 චිත්‍රපට නළු නිළියන් Pathonpatham Noottandu 2022 චිත්‍රපටය තුල ධනවත් ව්‍යාපාරිකයෙක් මෙන්ම කඩු සටන් ශිල්පියෙකු වෙන ආරාට්ටුපුල වේලායුධ පනික්කර්ගේ චරිතය ඉදිරිපත් කරමින් ප්‍රධාන රංගන දායකත්වය ලබා දී තිබෙන්නේ සිජු විල්සන් රංගන ශිල්පියායි.ඔහු චිත්‍රපට නළුවෙක් මෙන්ම නිෂ්පාදකවරයෙක් ලෙස මලයාලම් සිනමා ක්‍ෂේත්‍රය තුල කටයුතු කරන අතරම Vasanthi 2019 චිත්‍රපටය වෙනුවෙන් හොඳම සිනමා නිෂ්පාදනය වෙනුවෙන් කේරලා ප්‍රාන්ත සම්මානය පවා දිනාගෙන තිබෙනවා. ඒ වගේම Pathonpatham Noottandu චිත්‍රපටයේ නන්ගේලි නමැති කුලහීන තරුණියකගේ චරිතය කයදු ලොහාර් සිනමා නිළිය නිරූපණය කරන අතර ඇය මලයාලම් සිනමා ක්‍ෂේත්‍රය තුල සිනමා නිලියක් මෙන්ම නිරූපිකාවක් ලෙස කටයුතු කරනවා. ට්‍රැවන්කොර් වල මහාරාජා වෙන අයිලයම් තිරුනල් රාමා වර්මාගේ චරිතය ඉදිරිපත් කරන්නේ ගී පද රචකයෙක්,සිනමා නළුවෙක්,චිත්‍රපට අධ්‍යක්‍ෂකවරයෙක් සහ තිරපිටපත් රචකයෙක් වෙන අනූප් මෙනන්.චෙම්බන් විනෝද් ජොසේ Pathonpatham Noottandu චිත්‍රපටය තුල කායම්කුලම් කොචුන්නි නමැති සුප්‍රසිද්ධ සොරෙකුගේ චරිතය ඉදිරිපත් කරනවා. දීප්ති සති  මේ චිත්‍රපටය තුල සාවිත්‍රි තම්පුරට්ටි නමැති කුලවත් තරුණියකගේ චරිතය ඉදිරිපත් කරනවා.ඒ වගේම  Pathonpatham Noottandu චිත්‍රපටයේ ට්‍රැවන්කොරයේ මහරැජින වෙන මාත්රුප්පිල්ලීල් කල්යානිකුට්ටි අම්මාගේ චරිතය නිරූපණය කරන්නේ පූනම් බජ්වා නිළිය වෙන අතර ඇය මලයාලම් කන්නඩ ද්‍රවිඩ සහ තෙලිඟු සිනමාව තුල නිලියක් සහ නිරූපිකාවක් ලෙස කටයුතු කරනවා.රේණු සෞන්දර් මේ චිත්‍රපටයේ නීලි නමැති කුලහීන කාන්තාවකගේ චරිතයත් සෙන්තිල් ක්‍රිෂ්ණා චිරුකන්ඩන්ගේ චරිතයත්,සුදෙව් නායර් පඩවීඩන් නම්බි නමැති හමුදා නායකයෙකුගේ චරිතය ඉදිරිපත් කරන අතර සෙසු චරිත සඳහා විශාල නළු නිලි පිරිසක් දායකත්වය ලබා දී තිබෙනවා. Pathonpatham Noottandu 2022 චිත්‍රපටයේ කතාව Pathonpatham Noottandu 2022 කතාව දිව යන්නේ 19 වෙනි සියවසේ ඉන්දියාවේ කේරල ප්‍රාන්තය තුල සිටි වීර චරිත කීපයක් සහ සැබෑම ඓතිහාසික කතා පුවතක් පාදක කරගෙනයි. එහිදී චිත්‍රපටයේ මුලික අවදියේදී ආරාට්ටුපුල වේලායුධ චේකවර්ගේ තරුණ අවදිය පෙන්නුම් කරනා රූප රාමුවලින් සමන්විත වෙන අතර එහිදී ඔහු එනසාල් අපනයනය කිරීම සඳහා අවශ්‍ය කරන බලපත්‍රයක් ලබාගැනීමට ට්‍රැවන්කොරයේ පෙරදිග ඉන්දීය වෙළෙඳ සමාගම් මූලස්ථානයට පැමිණෙනවා.අවසානයේදී ප්‍රාදේශීය වංශාධිපතින් සහ ඉංග්‍රීසි හමුදා නිලධාරින් සමඟ ගැටුමක් ඇති කරගැනීමෙන් අනතුරුව ඔවුන්ට පහරදී ඉංග්‍රීසින්ගේ වෙඩි ප්‍රහාර මධ්‍යයයේ එම ස්ථානයෙන් පලා යාමට ඔහු සමත් වෙනවා. මින් අනතුරුව චිත්‍රපටය ආරම්භ වෙන්නේ ව්‍යාපාරිකයෙක් ලෙස මෙන්ම ප්‍රදෙශයේ කුලහීන ජනතාවගේ ජනාදරය දිනාගත් අයෙක් සේම කුලහීන ජනතාවට රදලයන්ගෙන් සහ කුලවතුන්ගෙන් එල්ලවන බලපෑම් වලට එරෙහිව සටන් කරන පුද්ගලයෙක් ලෙස වේලායුධ චේකවර්ව පෙන්වා දෙමිනුයි.මෙහිදී ට්‍රැවන්කොරයේ මහ රජුගේ කෝවිලක තිබු දේවාභරණ කායම් කුලම් කොච්චුන්නි නමැති සොරෙකු විසින් සොරකම් කරනවා. සොරකම් කරන ලද භාණ්ඩ සොයාගැනීමට රජුගේ සේනාව සහ සෙන්පතිවරුන් අසමත් වෙන්නේ රාජ සභාවේ සිටිනා ඇමතිවරු ඇතුළු පිරිස් කායම්කුලම් කොච්චුන්නිගෙන් මුදල් ලබාදෙන ඔහුට ඔත්තු සපයමින් ඔහුට පලායාම සඳහා උදව් කිරීමට කටයුතු කිරීම හේතුවෙනුයි.මේ අතරතුරදී විවිධ අසාධාරණ බදු සහ නීති වලට යටත්ව වෙසෙන කුලහීන ප්‍රජාව කුලවත් ධනවතුන්ගේ වහලුන් ලෙස සලකන අතරම ඔවුන්ට විවිධ හිරිහැර කරමින් සුළු වැරැද්දකට පවා ඔවුන්ව ඝාතනය කිරීමට පෙළඹෙන අතර මෙයට විරුද්ධව කාන්තාවන්ගේ අයිතීන් වෙනුවෙන් පෙනී සිටින නන්ගේලි නම් තරුණිය සිය ජනතාවට නායකත්වය ලබාදෙමින් සමාජ අසාධාරනයට විරුද්ධව සටන් කරනවා.මෙහිදී වේලායුධ චේකවර් සමඟ එකතු වී කටයුතු කරනවා.මේ අතරතුරදී චේකවර් කුලහීන ජනතාව සහ ඕනෙම කුලයකට අයත් ජනතාවට පැමිනීම සඳහා කෝවිලක් නිර්මාණය කරන අතර මේ සඳහා අවසරයක් ලබානොදෙන රදලවරුන් අවසානයේ ඔහු සමඟ ගැටුමක් ඇති කරගනිමින් ඔහුව ඝාතනය කිරීමට කුමන්ත්‍රණය කරනවා.