Phone Booth (2002) අභිරහස් ඇමතුමේ වියරුව

“ස්ටුවර්ට් ශෙපර්ඩ්” හරි ස්ටයිල් එකට ඉන්න කැමති පොරක්. මාධ්‍යවේදියෙක්. හැබැයි වැඩිපුරම කරන්නෙ බොරුව. මිනිහා සහයකයෙකුත් ළඟින් තියාගෙන පඩි නොදී වැඩ ගන්නවා. ස්ටුවර්ට් ගෙ බිරිඳගෙ නම “කෙලී”. ඒත් මිනිහා පොඩි ස්පෙයාර් වීල් එකකුත් තියාගෙන ඉන්නෙ. ලස්සන පොඩි කෙල්ලක්. නම තමයි “පැමෙලා”. ඉතින් අපේ මේ ස්ටුවර්ට් පැමෙලට හැමදාම කෝල් කරන්නෙ ෆෝන් බූත් එකකින්. ඒකත් එකම ෆෝන් බූත් එකෙන්. ඉතින් වෙනදා වගේ අදත් එයා පැමෙලට කෝල් එකක් ගන්නවා. ඒක අරන් ඉවරවෙලා ස්ටුවර්ට් ට එතනින් යන්න නම් වෙන්නෙ නෑ. එයාට ඒ ෆෝන් බූත් එකට කෝල් එකක් එනවා. සාමාන්‍යයෙන් වෙන්න බැරි දෙයක් නෙ. ඒත් ඒක එහෙම වෙනවා. එතනින් එහාට එයාට පුදුමාකාර දේවල් සිද්ද වෙන්නෙ. මිනිහට පිස්සු හැදුනා වගේ වෙනවා. තව ඉස්සරහට හොඳ හොඳ දේවල් සිද්ද වෙනවා.