Role Play (2024) සිංහල උපසිරැසි සමඟ

ඩේව් සහ එමා දෙන්නා ඉතා සතුටින් පවුල් ජීවිතේ ගත කරන දෙන්නෙක්. එයාලාට දරුවෝ දෙන්නයි. හොඳට ලොකු මහත්වෙලා ඉන්නේ. හැමදාම එකම විදියේ සර්ව සම්පූර්ණ ජීවිතයත් කම්මැලි නිසා, එයාලා වෙනසක් කරන්න හිතනවා. විශේෂම සිද්ධිය වෙන්නේ, එමාට එයාලාගේ විවාහ සංවත්සරය ගැන අමතක වෙනවා. එමාගේ වැඩ වැඩිවීම තමයි ඒතට හේතුව වෙන්නේ..

මේ අතපසුවීම හරිගස්සගන්න විදියක් හිතන වෙලාවක, එයාලාගේ හිතට ආපු සැලසුම තමයි, නාට්‍යයක වගේ චරිත නිරූපණයක් කරන්න. නොදන්නා දෙන්නෙක් වගේ, හොද හෝටලයකදී අහම්බෙන් වගේ හමුවෙනවා. එතනදී ගොඩ නැගෙන සම්බන්ධයක් වගේ එයාලාගේ ආදරේ ඉස්සරහාට ගෙනියනවා. මෙහෙම තමයි සැලැස්ම. ඒත් එතනදී එමාට මුණ ගැහෙන්නේ, ඩේව් විතරක් නෙමෙයි. මෙයාලාගේ ඉදිරි අනාගතය ගැන දැනගන්න, චිත්‍රපටිය රස විඳින්න වෙනවා.

මේ චිත්‍රපටිය අධ්‍යක්ෂණය කරලා තියෙන්නේ Thomas Vincent විසින්. රඟපෑමෙන් දායක වෙනවා Kaley Cuoco (එමා), David Oyelowo (ඩේව්), Bill Nighy (බිල්), Connie Nielsen (ග්වෙන්) ඇතුළු පිරිසක්. Amazon MGM Studios ආයතනය විසින් ලොව පුරා බෙදාහැරීම් කටයුතු කරන්න බාරගෙන තියෙනවා.

මේ ලිපිය ලියන මොහොතේ, Role Play චිත්‍රපටිය අරගෙන තිබ්බ web ratings ගැනයි මේ විමසුම. IMDb 5.5, Rotten Tomatoes 27%, Metacritic 38%, Google Users 57% වගේ තමයි අරගෙන තිබ්බේ. මේකට ප්‍රධාන හේතුව විදියට මම දකින්නේ, මේ චිත්‍රපටියේ කතා වස්තුව, මම කලින් කිව්වා වගේ, මීට සමගාමීව නිකුත් කෙරුණු චිත්‍රපටියක කතා වස්තුවට සමාන වීම. ඒත්, මේ ගැන හිතන්න එපා..