The Boys in the Boat (2023) හිට්ලර් පරාද කළ වොෂින්ටන් කොළු රෑන

ඔරු පැදීම යනු තවදුරටත් ප්‍රවාහන සේවයක් පමණක් නොවන යුගයක එය ලෝකයේ පවතින විශාලතම ක්‍රීඩා උත්සවයට මහා ක්‍රීඩාවක් වී අවසන් ය. සවි ශක්තියෙන් සුසැදි දේහධාරි තරුයන් අට දෙනකු විසින් ලීයෙන් තැනු ඔරු කඳක් සමඟ ජල රළ පහරට එරෙහිව කාලය සමඟ කරන හරඹයක් වෙි නමි ඒ ඔරු පැදීම ක්‍රීඩාව නමි වෙි. නෙතට ප්‍රිය නංවන අපුරු ක්‍රීඩාවකි. ඔලිම්පික් ඉතිහාසයේ සැඟවී ගිය එක්තරා නිශ්චිත ජයග්‍රහණයක්. ඒ වගේම නිශ්චිත මොහොතක් පිළිබඳ කියැවෙන ‘ද බෝයිස් ඉන් ද බෝට්’ 2023 වසරේ තිරගත වූ හොලිවුඩ් චිත්‍රපටය සත්‍ය කතාවක් පෙරදැරි කරගෙන නිර්මිත චිත්‍රපටයකි. ඒ ජයග්‍රහණයක් පිළිබඳවය. ජයග්‍රහණය සඳහා තැබූ පියවර⁣ මොනවාද? ජයග්‍රහණය සිදු වූයේ කෙසේද? ජයග්‍රහණය අත් කරගන්නට තිබු බාධා කවරෙක්ද? යන සාමිප්‍රදායික Biology – Sport චිත්‍රපටයක අන්තර්ගත විය යුතු තොරතුරු ප්‍රමාණයක් ‘බෝයිස් ඉන් ද බෝටි’ චිත්‍රපට සඳහන් කරනවා.

ඇමරිකානු ක්‍රීඩා ඉතිහාසය තුළ ඔබ නොදත් එක්තරා ජයග්‍රාහී සත්‍ය කතන්දරයක තතු පිළිබඳ ‘ද බෝයිස් ඉන් ද බෝට්’ චිත්‍රපටය අපට කියනවා. චිත්‍රපටය අධ්‍යක්ෂණය කරන්නේ හොලිවුඩයේ මහා නළු සේම අධ්‍යක්ෂවරයකු වන ‘ජෝර්ජ් ක්ලුනි’ විසිනි. චිත්‍රපටය සාමිප්‍රදායික වූ ‘biographical sports drama’ ශානරයේ චිත්‍රපටයකි. චිත්‍රපටය මීට වඩා සංස්කරණ ශිල්ප ක්‍රම සහ රූපරාමු රිද්මයක් සමඟින් නිම කිරීමට තිබු බවයි මගේ අදහස නමි. චිත්‍රපටය විසින් සිදු කරන්නේ යථාර්ථය ප්‍රතිනිර්මාණය පමණකි. කෙසේ වෙතත් හබල් ඔරු පැදීමෙි ක්‍රීඩාව තුළ ඇමරිකාව විසින් දූෂ්කර මොහොතක ලැබූ එක් නිශ්චිත ජයග්‍රාහි මොහොතක් පිළිබඳ ‘ද බෝයිස් ඉන් ද බෝට්’ චිත්‍රපටය සටහන් කරනවා.