The Nun II (2023) රුධිරය මතින් නැවතත් දඩබිමට

වර්ෂ 1956, ප්‍රංශයේ පල්ලියක් තුළ දරුණු ලෙස ඝාතනයට ලක්වූ පුජකවරයෙක්. ඒ හා සමාගාමීව යුරෝපය පුරා කතෝලික පල්ලි තුළ සිදු වූ බිහිසුණු දිවි නසා ගැනීම් මාලාවක්. වතිකානුව පවා බියෙන් සලිතකල මෙම සිදුවීම් මාලාවේ ආරම්භය යක්ෂයාගේ ආගමනයද?

කන්‍යා සොයුරිය, අයිරින්, ඇගේ අතීතය අනාගතය සමඟ ගලපාගෙන, නැවතත් නපුර සොයා හඹා යන ගමනේදී ඇගේ ජීවිතය දෙවනවරටත් යක්ෂයාගෙන් ගලවාගැනීමට තරම් ඇය වාසනාවන්ත වේවිද?

පුජක-පුජකවරියන් බිහිසුණු ලෙස ඝාතනය කරමින්, වියරුවෙන් මෙන් යක්ෂයා මේ සොයා යන්නේ කුමක්ද?

The Nun II , හොරර් ශානරයේ චිත්‍රපටය ලොව පුරා අති ජනප්‍රිය වූ The Nun (2018) චිත්‍රපටයේ දිගුවක් ලෙස 2023 සැප්තැම්බර් 08 දින සිට ලොව පුරා ප්‍රේක්ෂකයන් වැළඳ ගත්තේ එහි මුල් චිත්‍රපටය පවා අභිබවා යන ත්‍රාසයක් කුතුහලයක් ප්‍රේක්ෂකයන් තුල ඇති කරවමිනි.