Thoongaa Vanam (2015) නින්ද නැති රාත්‍රියක්…

මේක අධ්‍යක්ෂණය කරන්නේ, රාජේශ් එම්. සෙල්වා විසිනි, මෙය නිෂ්පාදණය කරන්නේ, මෙම චිතරපටයේ ප්‍රධාන චරිතය රඟ දක්වන, කමල් හාසන්, එස්. චන්ද්‍රහාසන්, ගොකුලම් ගොපලන්, වී.සී. ප්‍රවීන්, බයිජු ගෝපාලන් යන පිරිස විසිනි, මෙහි සංගීත අධ්‍යක්ෂණය කරන්නේ, එම්.ගිබ්රාන් විසිනි. මෙම චිත්‍රපටය ප්‍රංශ භාෂාවෙන් නිකුත් වුන චිත්‍රපටයක් වන Sleepless Night චිත්‍රපටයේ Remake එකක් වේ. ඉතින් මෙම චිත්‍රපටය බලපු අය මේක බැලුවා නම් හිතේවි ඒකට වඩා මේක හොඳට කරලා තියෙනවානේ කියලා, අරක නොබලපු අය මේක බැලුවා නම් හිතේවි, චිත්‍රපටය හොඳයි නේ කියලා. මොකද Sleepless Night චිත්‍රපටයේ Imdb Rating එකට වඩා මම අද ගෙනාපු දමිල චිත්‍රපටයේ Imdb Rating එක වැඩියි. එහි Imdb Rating එක ඇවිල්ලා 7.5 ක් අරගෙන තියෙනවා, ඉතින් තේරෙනවා ඇතිනේ බැලුවට පාඩුවක් නැහැ කියලා..

මෙහි කතාව පැත්තට පොඩ්ඩක් ගියොත් එහෙම, දිවාකර් (කමල් හසන්) කියන්නේ, මත්ද්‍රව්‍ය පාලන කාර්යාංශයේ නිලධාරියෙක්, ඉතින් මේ කතාව පටන් ගන්නේ දිවාකර් සහ එයාගේ යාලුවා මනි (යෝගී සේදු) දෙන්නාම එකතු වෙලා කෙනෙකුගෙන් මත්ද්‍රව්‍ය කිලෝ දහයක් මංකොල්ල කණ සිද්දීයකිනි, මේ මත්ද්‍රව්‍ය වල අයිති කාරයා තමයි; විට්ටල් රාඕ (ප්‍රකාශ් රාජ්) කියන්නේ, ඉතින් මොහුගේ මත්ද්‍රව්‍ය දිවාකර් කොල්ල කාපු නිසා දිවාකර්ගේ ළමයාව පැහැරගන්නව, ඉතින් කතාව පුරාවටම තියෙන්නේ, අර මත්ද්‍රව්‍ය කිලෝ දහය විට්ටල් රාඕ ට ලැබෙයිද, දිවාකර්ගේ පුතාව ඔහුට බේරාගන්න හැකි වේවිද කියලා තමයි. ඉතින් මේ කතාව පැය දෙකක් තියෙනවා, හොඳට කුතුහලයකින් බලන්න පුළුවන් චිත්‍රපටයක් කිව්වොත් නිවැරදි, ඔබලා දන්නෙවත් නැතිව පැය දෙකක කාලයක් අවසන් වේවි.එහෙනම් හැමෝටම මේ චිත්‍රපටය බලන්න කියලා, ආරාධනා කරන ගමන් අදට සමුගන්නවා..