Virupaksha (2023) විරූපාක්ෂ

Virupaksha (ශිව දෙවියන් හට කියන තවත් නමකි) , 2023 ඉන්දියානු තෙළිඟු භාෂා අධිස්වාභාවික ත්‍රාසජනක අභිරහස් චිත්‍රපටයක් වන අතර එය අධ්‍යක්ෂණය කළේ සුකුමාර් සමඟ චිත්‍රපටය සම-රචනය කළ කාර්තික් වර්මා දණ්ඩු විසිනි. චිත්‍රපටිය නිෂ්පාදනය කර ඇත්තේ B. V. S. N. Prasad සහ Sukumar විසින් පිළිවෙලින් Sri Venkateswara Cine Chitra සහ Sukumar Writings හරහාය. එහි සායි ධරම් තේජ්, සංයුක්ත මෙනන්, සුනිල්, රජීව් කනකාල, බ්‍රහ්මජි, අජේ සහ රවී ක්‍රිෂ්ණා ඇතුළත් වේ.

Virupaksha 2023 අප්‍රේල් 21 වන දින නිකුත් කරන ලද අතර සාමාන්‍යයෙන් විචාරකයින්ගෙන් ධනාත්මක සමාලෝචන ලැබුණි. චිත්‍රපටය බොක්ස් ඔෆිස් හි වාණිජමය වශයෙන් සාර්ථක විය.

මේ කතාව පටන් ගන්නෙ රුද්‍රවනම් කියන කැලේකින් වටවුනු සීමිත ජනග්‍රහණයක් වාසය කරන ගමකින්,ඒවගේම මේ ගමේ හේතුවක් නැතිව දරුවන් මැරෙන වසංගතයක් තිබ්බා..ඔය අතරම මේ ගමට එනවා වෙන්කටාචලපති , ඔහුගේ පවුලත් එක්ක පදිංචි වෙන්න, වෙන්කටාචලපතිගේ බිරිද අංශභාගී රෝගයෙන් පෙළෙන කෙනෙක් වගේම තව එයාට දුවෙක් වගේම පුතෙකුත් හිටියා. වෙන්කටාචලපතිගේ අරමුණ උනේ මොන විදියකින් හරි එයාගේ බිරිදව සුව කර ගන්න අරමුණක්. වෛද්‍ය විද්‍යාවෙන් එයාට පිහිටක් නොලැබුණු තැන එයාට පුරාණ වේද ග්‍රන්ථ වලින් පිළිතුරක් සොයන්න ගත්තා..

මේ වේදවල තියෙන්නෙ යන්ත්‍ර – මන්ත්‍ර – තන්ත්‍ර කියන ආධ්‍යාත්මික ශක්තිය දියුණු කරගෙන කරන දෙයක්. ඒවගේම මේවා කෙනෙක්ට හොද පැත්තට වගේම නරක පැත්තටත් යොදා ගන්න පුළුවන්. බිරිද සුව කිරීමේ අරමුණින් දිනක් මල සිරුරක් නිවසට අරන් එනවා දැකපු ගමේ කෙනෙක් මේක වැරදියට තේරුම් ගත්තා. ගම්වල කටකතා ගැන කියන්න ඕන නෑනේ.. , ගමේ දරුවන් මියදෙන්නේ වෙන්කටාචලපති ඔවුන්ට හූනියම් කරන නිසා කියන වැරදි අදහසින් කුපිත වී වෙන්කටාචලපතිගේ නිවසට කඩාවදින ගම් වැසියන් වෙන්කටාචලපති හා ඔහුගේ බිරිද ගසකට තබා බැද පණපිටින් පුච්චා දමනවා. නමුත් ඔවුන්ගේ දරුවන්ට හානියක් නොකරන්න ගම්මුන් වගබලා ගත්තා..