ACT-1978 (2020) යුක්තිය ඉල්ලා සටනට

යුක්තිය ප්‍රතික්ෂේප වුණාද ? ඒ වෙනුවෙන් සටන් කරන්න..
යුක්තිය කියන්නේ කාටත් පොදු දෙයක්..තමන්ගේ යුක්තිය වෙනුවෙන් තනියම සටන් කරන්න වුණොත් මොන වගේ තත්වයක් උදා වෙයිද?

අද සිංහල උපසිරැසි අරගෙන ආවේ මේ මාතෘකාව යටතේ දිවයන 2020 වසරේ අග භාගයේ නිකුත් වුණ තවත් එක් කන්නඩ චිත්‍රපටයකටයි..නමින් ACT 1978 කියන සලරුවට තමයි අද සිංහල උපසිරැසි අරගෙන ආවේ.. Manjunatha Somashekara Reddy ගේ අධ්‍යක්ෂණයෙන් යුතුව පැය 2 මිනිත්තු 7 ක් පුරා දිවෙන මේ සලරුව නිෂ්පාදනයෙන් දායක වෙලා තියෙන්නේ Devaraj R විසින්…මේ චිත්‍රපටිය අයිති වෙන්නේ Social Thriller/Thriller කාණ්ඩයට..ඉතින් මේ චිත්‍රපටිය IMDb Ratings වලින් මොන වගේ අගයක් ලැබිලා තියනවද කිව්වොත් 8/10 වගේ හොද අගයකට හිමිකම් කියනවා..

ඉතින් මේ ෆිල්ම් එක දිවයන්නේ ප්‍රධාන කාන්තා චරිතයක් ඕස්සේ තමයි..ප්‍රධාන චරිතයට පන පොවන්නේ Yagna Shetty වන අතර ඊට අමතරව Sudha Belawadi,Achyuth Kumar,Pramod Shetty,Shruti වගේ නලු නිලි කැලැක්මේ සල රුව සදහා තම දායකත්වය ලබාදෙනවා..

ෆිල්ම් එකේ විස්තර කිව්වා ඇති කියලා හිතනවා..දැන් අපි කතාව පැත්තට ටිකක් හැරිලා බලමු..

මම මුලිනුත් කිව්වනේ මේ කතාවේ ප්‍රධාන චරිතය කාන්තාවක්..ඒ කියන්නේ ගීතා..ගීතා කියන්නේ දුප්පත් ගොවියෙක්ගේ දියණියක්..තිබුණු මුදල් අග හිගකම් නිසා ගීතා තමන්ගේ අධ්‍යපන කටයුතුත් අතර මග නතර කරලා විවාහ වෙනවා..ඉතින් විවාහ වෙලා නගරයට එන ගීතට ගෙවන්න වෙන්නේ ගොඩක් දුක්ඛිත ජීවිතයක්..ඉතින් මේ අතරේ ගීතගේ තාත්තා මිය යනවා..ඒ වෙනුවෙන් ගීතට ලක්ෂ 2ක වන්දි මුදලක් ලැබෙන්න තියනවා..

ඉතින් මේ වන්දි මුදල අරගන්න ගීතා මාස 5 ක් 6 ක් තිබ්බේ ගොවි සුභසාධක දෙපාර්තමේන්තුවට දවස ගානේ යනවා…එහෙම ගියාට හැමදාම ගීතට වෙන්නේ ආපහු හැරිලා එන්න..ඒ මොකද කිව්වොත් මේ රජයේ ආයතනයේ සේවකයන්ගේ තියන අකටයුතුකම් නිසා..ඉන්දියාවද අපේ රටද කියලා වෙනසක් නෑනේ මේ කාරණාවෙදි…මොකද අපි ගොඩ දෙනෙක්ට මේ අත්දැකීම ලැබිලා ඇති..

අපේ අවශ්‍යතාවයකට රජයේ ආයතනයකට ගියොත් මොනතරම් රස්තියාදු වීමක් වෙනවද කියලා දන්න අය ඕන තරම් ඇති…ඉතින් ගීතටත් හැමදාම වෙන්නේ ඒක..වැඩේ ලේසියෙන් කරලා දෙන්නේ මේ නිළධාරින්ට අල්ලස් දුන්නොත් විතරයි..ගීතා කියන්නේ ඒ දේවල් වලට තදින්ම විරුද්ධ කෙනෙක්…ඉතින් ඉවසීමේ සීමාව පැන්න ගීතා දවසක් තමන්ගේ ඇගේ බෝම්බයකුත් බැදගෙන මේ වගේ රජයේ සේවකයෝ නිසා පීඩාවට පත්වුණ මහලු පුද්ගලයෙක් එක්ක මේ ආයතනයට ඇවිත් ඒ සේවකයන්ව ප්‍රාණ ඇපෙට අරගන්නවා…ඉතින් තවත් විශේෂ දෙයක් තමයි ගීතා කියන්නේ ගැබිණියක් වුණු එක..

ඉතින් ඒ වගේ තත්වයක ඉදන් මේ වගේ දෙයක් කරන්න හිතේ මොන තරම් හයියක් තියෙන්න ඕනිද ? ඇයි ගීතා මේ තත්වයට පත්වුණේ ? ඇයි ගීතාගේ තාත්තගේ මරණයට වන්දියක් ලැබෙන්නේ ? ගීතාට යුක්තිය ඉටු වුණාද ? ඒ රජයේ නිළධාරීන්ට මොකද්ද ලැබුණ දඩුවම ? මේ ප්‍රශ්න සේරම ඔයාලට ඉතුරු කරලා මම කතාව ගැන කියන එක මෙතනින් නතර කරන්නම්…
රජයට සහා සමස්ත ජනතාවටම හොද පණිවිඩයක් දෙන්න හදන ගීතාගේ කතාව අනිවාර්යයෙන්ම නරඹන්න කියලා මම ආරාධනා කරනවා…ඒ වගේම මේ පැය 2 යි විනාඩි 7 අවසාන වෙද්දි ගොඩ දෙනෙක්ව ටිකකට සංවේදී කරන්න මේ සලරුව සමත්වෙයි කියලා මම හිතනවා…එහෙනම් තවත් සිංහල උපසිරැසියකින් හමුවෙන බලාපොරොත්තුවෙන් අදට සමුගන්නම්..අවසාන වශයෙනුත් කියන්න තියෙන්නේ මේක බලන්නම ඕන ෆිල්ම් එකක් කියලා…