Ghost Rider (2007) ආත්මය යක්ෂයාට 1

මේ චිත්‍රපටය 2007 දී තමා නිෂ්පාදනය කරලා තියෙන්නේ. Mark Steven Johnson ගේ අධ්‍යක්ෂනයක් වුණ මේ චිත්‍රපටිය ජාත්‍යන්තර චිත්‍රපටි දර්ශකගේ ඇගයීම් 5.2\10 ක් අරන් තියනවා. Nicolas Cage, Raquel Alessi, Brett Cullen, Donal Logue යන නළු නිළියෝ මෙම චිත්‍රපටයේ චරිත නිරූපණය කරනවා. ඉතින් මුලින්ම කියන්න ඕනේ මේකේ Ghost කෑල්ලක් නමේ මුලට තිබුනට මේක හොල්මන් චිත්‍රපට යටතේ වර්ග කරලා නැහැ කියලා. මේක ක්‍රියාදාම යටතේ තමයි වර්ග කරලා තියෙන්නේ.

කථාව පොඩ්ඩක් කියන්නම්. බාර්ටන් බ්ලේස් හා ජොනී බ්ලේස් කියන්නේ පිය පුතු දෙපලක්. මෙයාලගේ රැකියාව තමයි මොර්ට බයික් වලින් එක එක වැඩ දාන සංදර්ශන පැවැත්වීම. ජොනී බ්ලේස් ඒ කියන්නේ පුතාට තේරෙනවා තාත්තා එයාට වැඩිය ආදරේ කරන්නේ නෑ කියලා. ඒ ගැන කළකිරුන ජොනී බ්ලේස් තමන්ගේ පෙම්වතියත් එක්ක පලා යන්න තීරණය කරනවා. ඔය තීරණය අරන් ගෙදර එනකොට ජොනී බ්ලේස් දකිනවා තාත්තා ජොනීගේ පින්තූරයක් තුරුල් කරගෙන නිදාගෙන ඉන්නවා. ඒත් එක්කම කුණු කූඩෙට දාලා තිබුණ වාර්තාවකුත් දකිනවා. ඒ වාර්තාව කියවලා බැළුවහම පුතා දැන ගන්නවා තාත්තාට පැතිරුන පෙනහළු පිළිකාවක් ඇති බව. තාත්තා එයාට වැඩිය ආදරේ කළේ නැත්තේ ඒක නිසා කියලත් එයා තේරුම් ගන්නවා. ඉතින් මේක ගැන කණගාටුවෙන් ඉන්න ජොනී බ්ලේස් හමුවෙන්න යක්ෂයා එනවා. තමන්ගේ තාත්තගේ නීරෝගී සුවය පතලා ජොනී බ්ලේස් එයාගේ ආත්මය යක්ෂයාට පාවලා දෙනවා. ඉතින් මෙතන ඉදලා මොනවා වේවිද? ජොනී බ්ලේස් එයාගේ තීරණය ගැන පසුතැවේවිද? එයාට තමන්ගේ හෘද සාක්ෂියෙන් ගැලවීමක් තියෙයිද? ඉතින් චිත්‍රපටිය බලලා මේ ප්‍රශ්න වලට ඔයාලා උත්තර හොයා ගන්නකෝ.