Garfield Gets Real (2008) පිස්සු ගාෆීල්ඩ්..

හැම වෙලේම මොනවහරි කන,දවසින් වැඩිහරියක් නිදාගන්න,කම්මැලි තැඹිලි පූසෙක් ගැන ඇහුවොත් හැමෝම කියන්නේ එකම නමයි.ඒ තමයි “ගාෆීල්ඩ්”!! 
ඉතින් අද කියන්න යන්නේ හැමෝගෙම ආදරය දිනාගත්ත ගාෆීල්ඩ් ගැන.

Gardfield නිර්මාණය කරන්නේ jim davis.අපි ගොඩක් අය සිරසේ හඬකවලා ගිය gardfield කාටුන් එකෙන් මෙයා ගැන දැනගත්තට garfield ඉස්සෙල්ලම එන්නේ comic strip එක්කින්.jim davis තමයි මේ comic strip එක ලියන්නේ.ඒ 1976 ජනවාරී 08.ඉස්සෙල්ලම ජෝන් (jon) කියන නමින් තමයි පටන් ගත්තේ.ඒත් 1978 නම “garfiled” කියලා වෙනස් කරනවා.
මේක පටන් ගත්තේ Garfield ගේ,එයාගේ අයිතිකාරයා jon ගේ වගේම හොඳම යාලුවා වගේම සමහර වෙලාවට bite එක වෙච්ච  odie ගේ එදිනෙදා ජීවිතය ආශ්‍රයෙන්.ඒ වගේම මේ comic strip එක guinness world record එකක් තියෙනවා 2002 දී world’s most widely syndicated comic strip එක විදිහට.ඒ කියන්නේ වැඩියෙන්ම එක එක පාර්ශව විසින් මුද්‍රණය කරලා බෙදාහැරපු comic strip එක විදිහට. 2013 විදිහට එක එක newspapers,journals 2580ක විතර “Gardfield” comic strip එක බෙදාහැරලා තියෙනවා.

කොමික් වලට අනුවනම් garfield ගේ origin එක වෙන්නේ “Mamma leon’s italian restaurant එකේදී. Garfield ඉපදන්නේ 1978 ජූනී 19.ඒ කලින් කියපු Mamma leon’s italian restaurant එකේදීම තමයි.Restaurant එකේ කිව්වට ඇත්තටම Restaurant එකේ kitchen එකේදී තමයි Garfield ඉපදෙන්නේ. ඒක ඉතාලියානු රෙස්ටුරන්ට් එකක් හින්දා ගාෆීල්ඩ්ට එක එක විදිහේ රසම රස කෑම හම්බුණා.ඒත් ඒවාගෙන් ගාෆීල්ස් ආසම වුණේ ලසාසාසාසාඤ්ඤ්ඤාඤා කියලා ගාෆීල්ඩ් කියන “lasagna” වලට. ඉතින් ගාෆීල්ඩ්ගෙන් lasagna බේරන්න බැරි වුණ හින්දා Mamma leon’s එකේ අයිතිකාරයාට වෙනවා මෙයාව වෙන තැනකට දෙන්න,ඉතින් එයා ගාෆීල්ඩ්ව සුරතල් සත්තු විකුණන කඩයකට දෙනවා.ඔන්න අපේ හිත හොඳ ජෝන් අයියා ඇවිල්ලා වසවර්ති පූසාව ගන්නවා.comic වල විදිහටනම් මේක වෙන්නේ 1978 අගෝස්තු 19. ඉතින් ගාෆීල්ඩ් කියන්නේ කම්මැලි,කෑම වලට ඇබ්බැහි වෙච්ච මහත තඩි පූසෙක් කියලා ඔයාලා දන්නවනේ.මෙයා persian tabby වර්ගයේ පූසේක්. ඒ වගේම ගාෆීල්ඩ් සඳුදාවන්ට කැමති නැති,නේර්මාල් කියන පූසව පේන්න බැරි,ව්‍යායාම වලට වෛර කරන පූස් තඩියෙක්.

අපි ගාෆීල්ඩ්ගේ අයිතිකාරයාගේ නම ජෝන් කියලා විතරනේ දන්නේ.ඇත්තටම ජෝන්ගේ සම්පූර්ණ නම “jonathan Q. Arbuckle”. උපන්දිනය ජූලී 28.අවුරුද්දක් කියලා නැති වුණත් 1983 දෙසැම්බර් 23 ආව comic strip එකේ දී ජෝන් ගාෆීල්ඩ්ට කියනවා එයාට අවුරුදු 29යි කියලා.ජෝන්ට නෑදෑයෝනම් ගොඩක් ඉන්නවා කොමික් වලදි.Doc boy එහෙම නැත්නම් කලූ තමයි ජෝන්ගේ සහෝදරයා. වෘත්තියෙන් මෙයා cartoonist කෙනෙක් වුණත් එයාට සිංදු කියන්න වගේම ගිටාර්,බැන්ජෝ වගේ සංගීත භාණ්ඩ වයන්න පුළුවන්.ටිකක් ලැජ්ජාශීලී හින්දම මෙයා Dr.liz wilson ඒ කියන්නේ ලීස් ගැන තියෙන crush එක ගැන ලීස්ට කියන්නේ නෑ. හැබැයි 2006 ජූලී 29 ආව කොමික් එක්කදී ලීස් ජෝන්ට ආදරෙයි කියනවා. කොහොමහරි මේ අහිංසක ජෝන් කොලුවට වෙන්නෙම ඇබැද්දි ගාෆීල්ඩ් හින්දා.

ඕඩී ගැනනම් ලොකු දේවල් කියන්න නෑ.හරිම අහිංසක,ආදරණීය මෝඩ බලු කුක්කෙක් තමයි මෙයා. කහ පාට බූල් තියෙන,දුඹුරු පාට කන් තියෙනවා මෙයාට.එක පාරක් ගාෆීල්ඩ් ඕඩී ගැන කියනවා ” honest,true blue decent” කියලා.ඒ වගේම මෝඩ ඕඩී හැමවෙලේම එයාගේ දිවත් එක්ක සෙල්ලම් කර කර ඉන්නේ. ආ මෙයා dachshund වර්ගයේ බලුපැටියෙක්.

Garfield ඉස්සෙල්ලම ආවේ comic strip එකක් විදිහට කියලා කිව්වනේ.ඒවගෙන් පස්සේ Garfield ගෙන් Animation tv shows වගේම animated films,live action moviesත් ආවා.

Comics ගැන කතා කරොත් මේ වෙද්දි කොමික් පොත් 49ක් ඇවිල්ලා තියෙනවා.ජිම් ඩාවිස් තමයි writer. ඩාවිස් එයාගේ සීයගේ නමින් තමයි ගාෆීල්ඩ් කියන කෑල්ල හොයාගන්නේ.ගාෆීල්ඩ් එයාගේ යාළුවෝ එක්ක ඉන්නේ munice,indiana වල.ගාෆීල්ඩ් ට කතා කරන්න නම් බෑ.එයා හිතනවා විතරයි.ඒත් සමහර වෙලාවට ජෝන් එයාව තේරුම් ගන්නවා(වැඩ්ඩෙක් තමයි ඉතින්)එයාගේ වැඩේ කාලා නිදියන එක.ඒත් මෙයාට මරු වැඩ වෙන්නේ මේ අතරේ.මේවා තමයි කොමික් එකේ තියෙන්නේ.මේකේ ජෝන්ගේ අම්මයි,සහෝදරයයි,අත්තම්මයි එහෙම ඉන්නේ සහෝදරයාගේ ගොවිපළේ.ඔව් ඔව් කලුවගේ ගොවිපළේ තමයි. ගාෆීල්ඩ් ජෝන්ගේ අම්මටනම් හරිම කැමතියි මොකද එයා හරිම විශාල dinners හදන හින්දා. කොමික් වල ඉන්නවා ජෝන්ට අසල්වාසියෙක්.එයාගේ නම mrs.feeny. ගාෆීල්ඩ් මෙයාටත් කරදර කරනවා.එක පාරක් එයා විදුලි වැටකුත් ගහනවා ගාෆීල්ඩ් ගෙන් බේරෙන්න. ඒ වගේම කොමික් වල තියෙනවා ගාෆීල්ඩ්ගේ විද්‍යා පන්තියක්.ගාෆීල්ඩ්ට ලෝකය පේන හැටි එකේ තියෙනවා. (අර සිරසේ ගිය කාටූන් එකේ episode දෙක තුනක් තියෙන්නේ.ඒ මේවා තමයි.) ඒ වගේම හැම අවුරුද්දකම ගාෆීල්ඩ්ගේ උපන්දිනය එද්දි ගාෆීල්ඩ් බය වෙනවා වයසට එන එක ගැන.තව මේ කොමික් වල ඉන්නවා liz wilson ඒ කියන්නේ ජෝන්ගේ අරයා.එතකොය ලෝකේ ඉන්න ලස්සනම පුසා කියලා තමන්ටම කියාගන්න “nermal”.එතකොට “arlene” ඉන්නවා.comic වල විදිහටනම් එයා තමයි ගාෆීල්ඩ්ගේ significant other. අහ් කියන්න බැරි වුණානේ pooky ගැන.එයා තමයි ගාෆිල්ඩ්ගේ හුරතලා.අර චූටී ටෙඩියා තමයි මේ.ගාෆීල්ඩ් මෙයාට ගොඩාක් ආදරෙයි! ඉතින් ඔය විදිහට තමයි කොමික්ස් ලියවෙන්නේ.

මේ කොමික් ආශ්‍රයෙන් බිහිවුණ animated series තියෙනවා කියලා කිව්වනේ.ඒ වගේ series 3ක් දැනට ආවා.
 Garfield and friends
 The garfield show
 Garfield original

 Garfield and friends

Gardfield and friends කියන series එක පටන් ගන්නේ 1988 දී.මේක comic based series එකක්.CBS saturday mornings තුළින් තමයි මුලින්ම විකාශනය වුණේ.Seasons 7 කින් සහ episodes 121කින් මේ series එක සමන්විතයි.1994 ඔක්තෝබර් 7 වෙනිදා වෙනකම් මේක ඇමෙරිකා එක්සත් ජනපදයේ CBS saturday mornings තුළින් විකාශනය වුණා.මේකේ ප්‍රධාන චරිත විදිහට Garfield,jon,odie,liz,nermal,floyd ඉන්නවා.අනිත් අය ගැන දන්නවා වුණත් floyd දන්නේ නෑ නේද? Floyd කියන්නේ මීයෙක්.ජෝන්ගේ ගෙදර ඉන්න ගාෆීල්ඩ්ගේ තවත් යාළුවෙක් තමයි මේ “floyd” ඇත්තටම කොමික් වල ඉන්නේ squeak වුණත් මේකේදි ඉන්නේ floyd. මේකේදි Garfield ට dub කරන්නේ “Lorenzo music”  (දැන්නම් එයා නෑ.) ඒ වගේම ජෝන්ට Thom huge ත් ඕඩිට Gregg berger ත් හඬකවනවා.මේකේදී ගාෆීල්ඩ්ට කතා කරන්න බෑ.හැබැයි එයා හිතෙන ඒවා ප්‍රේක්ෂකයාට ඇහෙනවා. තව මේකට jim davis ම ලියපු U.S. Acress aka Orson’s farm කියන comic strip එකේ characters කිහිපයකුත් එකතු වෙනවා.Orson කියන ඌරා,Roy කියන් rooster,wade කියන තාරාවා ඒ අයගෙන් කිහිප දෙනෙක්.මේ විදිහට අතිශයින් ජනප්‍රිය වෙච්ච මේ සීරීස් එක ලෝකේ විවිධ රටවල විවිධ නාලිකා ඔස්සේ විකාශනය වුණා.

 The Garfield Show

2009දි විකාශනය ආරම්භ කරපු episodes 107 කින් යුත් seasons 5ක් පුරා දිගහැරෙන කතා මාලාවක්.මේක තමයි සිරසෙන් ලස්සනට හඬකවලා දුන්නේ අපිට. ඒ වගේම මේක නිශ්පාදනය කරේ paws.inc කියන jim davis ගේම සමාගම. මේක ඉස්සෙල්ලම ප්‍රංශයේදී 2008දී release කරත් USA වල release වෙන්නේ 2009 නොවැම්බර් 02.2016 ඔක්තෝම්බර් 24 වෙනකම් මේ animated series එක USA වල run කළා. මේ series එක කලින් garfield and friends series එකෙන් වෙනම universe එකක තියෙනවා වගෙයි පෙනෙන්නේ.ඒ වගේම මේකේදි Garfield ට කතා කරන හැකියාව ලැබෙනවා. මෙකේදි ගාෆීල්ඩ් ලියුම් මාමවත් එයාගේ බයිට් එකට ගන්නවනේ.ඒ වගේම කලින් series එකේ liz ප්‍රධාන චරිතයක් නොවුණත් මේකෙදී එයා ප්‍රධානයි. තව eddie gourmand(එඩී කෑමදාස),Dr.whipple,prof.thaddues,doc boy(කළුවා), Drusilla and Minerva (සිංදුයි බිංදුයි) වගේ චරිත මේකට ඇතුළත් වෙනවා.ඒ වගේම කලින් සීරීස් එකේ හිටපු නැති වීටෝ,ස්කූයික්,හැරී වගේ චරිතත් මේකට අලුතෙන් ඇතුළත් වෙනවා. ඒ වගේම මේකට original voice කළේ,
• garfield – Gérard Surugue
• jon – Bruno Choël
• squeak – Gilbert Levy
• Arlène,Dr. Liz Wilson – Véronique Soufflet
කියන කට්ටිය. මේක ඉස්සෙල්ලම Cartoon network එකෙත් ඊට පස්සේ Boomrang කියන network එකෙත් play වුණා.

 Garfield originals

Garfield originals කියන්නේ jim davis සහ phillippe vidal නිර්මාණය කරපු 2D short animated series එකක්. මේක 2019 දි තමයි ආරම්භ වෙන්නේ.ඒ 2019 දෙසැම්බර් 06 දා France3 සහ okoo කියන නාලිකා තුළින්.මේක මිනිත්තු 3 runtime එකක් තියෙන episodes 24 කින් සමන්විත කතාමාලවක්.සුපුරුදු විදිහටම Garfield,jon,odie,nermal,liz,arlene,pooky මේකේ චරිත වෙනවා.

අපිට garfield franchise එකේදී animated series වලට අමතරව live action films 2ක් වගේම animated films 3ක් හම්බෙනවා. ඉස්සෙල්ලම live action movies 2 ගැන කතා කරමු.
 Garfield : the movie
 Garfield : A tail of two kitties
තමයි මේ live action/cgi animated movies 02. අපිට මේවගේදී දකින්න හම්බෙන Garfield නම් comic accurated නෙවෙයි.comic වළ පෙනුමට වඩා මෙයා ටිකක් වෙනස්. හැබැයි මහත කම්මැලි පෙරේත පූසම තමයි. පළවෙනි කතාවෙදී ජෝන්ටයි garfield ටයි ඕඩී හම්බෙන හැටිත්,ගාෆීල්ඩ් ගේ නපුරුකම් නිසා odie ගෙදරින් යන හැටිත් අන්තිමට garfield odie ව බේරගෙන වීරයෙක් වෙන හැටිත් බලාගන්න පුලුවන්.

A tail of two kitties movie එකනම් ටිකක් වෙනස් කතාවක්.mark twain ගේ prince and the pauper ගෙන් inspire වෙලාද මන්දා. ගාෆීල්ඩ් එයා වගේම පූස්කුමාරයෙක් වෙනුවට මාරු වෙලා කරන පිස්සු වැඩ ගොඩක් අපිට බලාගන්න පුළුවන්.

මේ movies දෙකේම jon විදිහට breckin meyer ත් ලීස් විදිහට jennifer love hewitt රඟපානවා.Garfield විදිහට Voice කරන්නේනම් Bill murray. මේකේ production වලට 20th century fox,Davis entertainment company වගේම jim davis ගේ පෞද්ගලික paws.inc කියන ආයතනය සම්බන්ධ වුණා. මේ movies 02 dollar 343 millon box office ඉපැයීමක් කරන්න සමත් වුණා.

ගාෆීල්ඩ් ගේ animated movies 03ක් තියෙනවා.
 Garfield gets real (2007)
 Garfield’s fun fest (2008)
 Garfield’s pet force (2009) තමයි මේ animated movies 03. ඇත්තටම මේ movies 03 මූල්‍යමය ලාභයක් ලැබුවා කියන්නනම් අමාරුයි. මේ movies 03 දී අපිට දකින්න ලැබෙන්නේ comic චරිත රචනා කරන comic චරිතයක්. ඇත්තටම ගාෆීල්ඩ් වැඩ කරන්නේ comic studio එකක එයාගේ යාළුවෝ එක්ක.හැබැයි එයාලා ජිවත් වෙන්නේ කොමික් ලෝකෙක. ඒ විදිහට තමයි අපිට ඒ movie trilogy දකින්න ලැබෙන්නේ. මෙකේදී අපිට freddy frog,rogger,jeff,propy boy,Eli,walter,randy rabbit,billy bear,mommy bear,zelda වගේ අමතර චරිත රාශියක් දැකගන්න පුළුවන්. ඒ වගේම garfield ට frank welker ත්, oddie ට Gregg berger ත්, jon ට wally wingert ත් හඬ දායකත්වය සපයනවා.

ඉතින් සමස්තයක් විදිහට ගත්තහම මේ කම්මැලි තැඹිලි පාට පූසා කියන්නේ ආතල් සාගරයක්. ගාෆීල්ඩ් ගේ කතා බලලා හරි comic කියවලා හරි මුගේ විහිළු වලට හිනා ගිහින් නැති කෙනෙක්නම් හොයාගන්න අමාරු ඇති.
ස්කන්ධය දිරනවා,ආතල් ඉතුරු වෙනවා! 

ඉතින් එහෙනම් garfield කොමික් කියවලා නැත්නම් කියවන්න ඒ වගේම ලස්සන series ටික miss කරගන්නත් එපා.

Garfield Gets Real (2008) ” පිස්සු ගාෆීල්ඩ්.. ” Sinhala Movie Watch Online & Download Free