F9: The Fast Saga 10 (2021) පවුලක් හදපු අවුලක්… | දස වන දිගහැරුම

2021 වසරේ නිකුත් වූ වැඩිම මුදලක් ඉපයූ ඇමෙරිකානු චිත්‍රපටය මොකද්ද කියල හෙව්වොත් ඔයාල බලාපොරොත්තු නොවූ නමක් දකින්න ලැබේවි. ඒ තමයි F9 . වසර ගණනාවක් පුරාවට කාර් සම්බන්ධ කරගෙන ගොඩනැගුනු මේ චිත්‍රපට අද වනවිට ජයනොගත් නැති තැනක් තරම්. විශාල උස ගොඩනැගිලි, සබ්මැරින්, යුධ ටැංකි වලින් ඔබ්බට ගිහින් අවසානයේ අභ්‍යවකාශය තරණය කරන්නත් කාර් එකකට හැකියාව ලැබිලා තියෙනවා මේ චිත්‍රපට අධ්‍යක්ෂක මහත්මයට පින් සිද්ධ වෙන්න.  ඩොලර් මිලියන 250ක් වැයකොට නිර්මාණය වූ මේ චිත්‍රපට මාලාවේ නම වැන්න නිකුත් වීමට 2020 අප්‍රේල් 20 සිට  දින කීපයක් යෝජනා උනත් වරින් වර එය කල් දැමීමට සිදු උනේ වර්තමාන වසංගත තත්වය චිත්‍රපට කර්මාන්තයට පවා බලපෑම් කල හේතුව නිසයි.

වසංගතය හමුවේ අවසානයේ ප්‍රේක්ෂකයන්ට දැකගන්න ලැබුන මේ චිත්‍රපටය අවසානයේ 2021 වසරේ හොඳම ආදායම් ඉපැයූ ඇමෙරිකානු චිත්‍රපටය බවට පත්වෙන්නේ ඩොලර් මිලියන 626ක් තම නම ඉදිරියේ සනිටුහන් කරගනිමින්. ලොව අනෙකුත් චිත්‍රපට හා සසඳන විට මේ චිත්‍රපටය සිටින්නේ කොරියානු සහ චීන චිත්‍රපට දෙකකට පසු පසින් පමණයි. කොතරම් විවේචන එල්ල උනත්, අපහාසයට උපහාසයට ලක්වූ චිත්‍රපට මාලාවක් උනත් චිත්‍රපටයක් මගින් බලාපොරොත්තු වෙන මූලික දේ වල මුදල් ඉපැයීම ෆාස්ට් ඇන්ඩ් ෆියුරියස් වසර විස්සක් පුරාවට අදටත් තහවුරු කොට අවසානයි. ඉතින් මේ සාර්ථකත්වය මේ චිත්‍රපට රැල්ලට තිත තියන්න ඉඩක් දෙන්නේ නැති බව මෙහි දහවැනි චිත්‍රපටය නිර්මාණය කිරීමට සියල්ල සූදානම් කිරීම තුලින් තහවුරු වෙනවා. ඒ වගේම කලින් චිත්‍රපටවල සහභාගී වූ නළු නිලියන් රැසක් මෙහි රංගනයෙන් දායක වන අතර මේ චිත්‍රපට මාලාව හැර ගිය චරිතයක් නැවත මේ චිත්‍රපටය හරහා දැකගන්න ලැබේවි.

මෙවර කතාවට යොමු උනොත් සුපුරුදු පරිදි ටොරෙටෝ පවුලේ අවුලක් මූලික කරගෙන තමයි මේ චිත්‍රපටයත් ගොඩ නැගෙන්නේ. සුපුරුදු පරිදි ඩොම්ගේ තරහකාරයෙක් අලුත් ප්‍රශනයක් හදලා. ඉතින් මේ කණ්ඩායම සූදානම් වෙන්නේ ඒ අවුල ලිහලා ලෝකය බේරගන්න. මේ සැරේ ටොරෙටෝ පවුලට අභියෝගයක් වෙන්නේ ටොරෙටෝ කෙනෙකුගේන්මයි…

F9: The Fast Saga (2021) With Sinhala Subtitles | “ පවුලක් හදපු අවුලක්… ” | සිංහල උපසිරැසි සමඟ