Plane (2023) ගුවන් යානා අනතුර

හොලිවුඩ් වල සුපිරිම ඇක්ෂන් ෆිල්ම් වලින් අපිට දැකගන්න පුලුවන් වුන Gerard Butler තමයි මේකේ ප්‍රධාන චරිතය. 300, Den of Thieves, Olympus Has Fallen වගේ ඇක්ෂන් ෆිල්ම් බලපු අය නම් දන්නවා Gerard Butler කියන්නේ මොන වගේ නලුවෙක්ද කියලා. තමන් රඟපාන ෆිල්ම් බොහොමයක් නිෂ්පාදනය කරන්නෙත් Gerard Butler විසින්මයි. මේ Plane ෆිල්ම් එකත් නිෂ්පාදනය කරන්නේ Gerard Butler විසින්.
කැප්ටන් බ්‍රෝඩි ටොරන්ස් කියන්නේ සුපිරි පයිලට් කෙනෙක්. තමන් කරපු වැරැද්දක් නිසා මෙයාට ලැබෙන්නේ 3 වෙනි පන්තියේ ගුවන් ගමන් විතරයි. ඉතින් මේ විදියට ගුවන් ගමනක් යන අතරේ මේ ගුවන් යානයට ලොකු කුනාටුවකට මුහුන දෙන්න වෙනවා. ඉතින් මේකේ ප්‍රතිඵලයක් විදියට යානයට අකුණක් වැදිලා විදුලිය ඇණ හිටිනවා. කොහොම හරි යානය කඩා වැටෙන්න පටන් ගන්න අතරේ පයිලට්ගෙ දක්ෂතාවය නිසා යානය යන්තම් පිලපීන දූපත් වල තියෙන දූපතකට ගොඩබානවා. මේ දූපතට කිසිම දුරකථන සිග්නල් එකක් වත් නෑ, යානයේ රේඩියෝ වැඩත් නෑ. උදව් ගන්න කෙනෙකුත් නෑ. හැබැයි දූපත පාලනය කරන්නේ අන්තිම නපුරු මිනිස් කොට්ටාසයක්. මේ යානයේ ගමන් කරපු මගීන් කීපදෙනත් අර මිනිස්සු ඇවිත් අල්ලගන්නවා. එහෙම අල්ලගත්ත තමන්ගෙ මඟින්ගෙ වගකීම කරට අරගෙන එයාලව බේරගන්න කැප්ටන් ගහන ගේම තමයි ෆිල්ම් එකේ තියෙන්නේ. ඉතින් කැට්පන්ගෙ සහයට එනවා සුපිරි කලු ජාතික පොරක්. මිනිහා කවුද කියලා බලාගන්න ෆිල්ම් එකෙන්ම. Marvel’s Luke Cage, Jessica Jones බලලා තියෙනවා නම් ඒ කෙනා ගැන නොදැන ඉන්න විදියක් නෑ. ඒ විතරක් නෙවෙයි. අන්තිමට මේකේ ඉන්නවා සුපිරි මුදවාගැනීමේ කණ්ඩායමක්. නියම ගේම් කාරයෝ ටිකක්…