Sita Ramam (2022) රාම් සීතා මහාලක්ෂ්මි

හැමෝටම සුභ නත්තලක් වේවා කියලා ප්‍රාර්ථනා කරන ගමන් අද මට විශේෂ දවසක් Baiscopes.lk වෙබ් අඩවිය වෙනුවෙන් 25 වෙනි උපසිරැසි ගැන්වීමයි එහෙනම් අද අපි ගේනවා ගොඩක් අය එනකම් බලාගෙන හිටපු ඒ සුන්දර ආදර කතව.නමින් “සීතා රමම්” .හරිම ලස්සන කතාවක් මේක.අපි ආස කරන නලු නිලියොත් මේකෙ ඉන්නවා.ඉතින් එහෙනම් සීතා රමම් උපසිරැසියත් අපි ගෙනාවා? හැමගේම ආදරයට පාත්‍ර වුණු දුල්කර් සල්මාන් මේකෙ ඉන්නවා.ඊ⁣ට පස්සෙ ඉතින් ගොඩක් අය දන්න රෂ්මිකා මන්දන්නා මේකෙ ඉන්නවා.ක්‍රෂ් එකනෙ සමහරුන්ගෙ.තව මෘනාල් ඨාකූර්ව මේකෙන් තෙලුගු සිනමාවට හඳුන්වාදෙනවා.ඇය අලුත් කෙනෙක් තෙලුගු සිනමා ක්ෂේත්‍රයට.නමුත් ඇය හින්දි මෙගා නාට්‍යවල නම් රඟපාලා තියෙනවා.ඔයාලට මතක නම් හිරු එකේ ගිය “ආදරෙයි මං ආදරෙයි” කතාමාලාවේ පිංකි ( ෂනායාගෙ නංගි ) ගෙ චරිතයත් ඇය රඟදක්වලා තියෙනවා.පසුව ඒ චරිතය සියදිවිනසාගත්තානෙ.හින්දි චිත්‍රපටවලත් ඇය ඉන්නවා.ඉතින් ඔය තමා මේකෙ නලු නිලි සෙට් එක. චිත්‍රපටය ගත්තොත් ක්‍රියාදාම,අබිරහස් හා ආදරකතා කියන වර්ගීකරණයට අයත් වෙනවා. Hanu Raghavapudi ගෙ අධ්‍යක්ෂණයෙන් හැඩවෙන මේ චිත්‍රපටය Hanu කාලෙකන් කරපු තෙලුගු චිත්‍රපටයක්.ඔහු අන්තිමට මීට වසර 4කට පෙර කරපු Padi Padi Leche Manasu චිත්‍රපටයත් ගොඩක් ජනාදරයට පාත්‍ර වුණා.ඉතින් මෙයාට මේක නිමවන්න අදහස ආව හැටි නම් අමුතුයි.ඒ 2007 ඔහු මිලදී ගත් පොතක් තුළ තිබූ ලිපියකින්.ඒ ගැන තවදුරටත් කියන්නෙ නෑ මං.කැමති අය ඒ ගැන හොයාලා දැනගන්න. භාෂා කිහිපයකින් තිරගත වුණු මේ චිත්‍රපටය ගොඩක් ජනප්‍රිය වුණා.මේකෙ තියෙන Music හා Soundtrack එ⁣හෙමත් යූටියුබ් හි අතිශය ජනප්‍රිය වුණා. ඇතැම් අරාබි රටවල මෙය තහනම් කළා.ඒකට හේතුව තමා මෙහි තිබ්ප ඇතැම් ආගමික සිද්ධීන්.කොහොම වුණත් එක්සත් අරාබි එමීර් රජය නම් එම තහනම ඉවත් කළා පසුව.විකාශන අයිතිය ඇමසෝන් ප්‍රයිම්ලා ලබාගත්තා. කෝටි 100 පන්නලා සල්ලි හෙව්ව මේ සලරුව 8.6/10 ක Imdb අගයක් දිනාගෙන තියෙනවා. කතාව ගැන කිව්වොත්, රාම් කියන්නේ සෙබලෙක්. ඔහු තනිකඩයි වගේම පවුලක් නැහැ. අනාථයෙක්. ඉතිං යුද්ධයක් නෙවෙයි ඕනම දේකදි බය නැතුවම ඉදිරිපත් වෙන සෙබළෙක්. මොකද ඔහු වෙනුවෙන් දුක් වෙන්න පවුලක් නැති නිසා. ඔහොම ඉන්නකොට තමයි මේ කාත් කවුරුත් නැති රාම්ට එකපාරටම ලියුම් ටිකක් ලැබෙන්නේ. ටිකක් කියන්නත් බැහැ. ලියුම් මල්ලක්ම ලැබෙනවා. කොහොමද ඒවා ලැබුනේ කියලා ඔයාලට දැනගන්න ලැබෙයි. ඉතිං මේ ලියුම් අතරෙන් ඔහුට අදහා ගන්නත් බැරි ලියුමක් ලැබෙනවා. ඒ ලියුමේ මෙහෙම සඳහන් වෙනවා. ආදරණීය රාම්.. ඔයාට කවුරුවත්ම නැත්ද? මේ බොරු කොහෙන් ඉගෙනගත්තද, අලුතෙන්? ගෙදර තැල්ල ගැට ගහපු බිරිඳක් ඉන්නවා කියලා, සම්පූර්ණයෙන්ම අමතක වුනා වගේ ඉන්නවා. “මේ එනවා” කියලා ගියා.. රස්සාවට.. මාව මං ඉපදුණ ගෙදර අතෑරලා. (මහ ගෙදර) ගෙදර අය ඒ කාලෙ ඉදලම කියාගෙනමයි හිටියේ. මේ හමුදාවෙ ඈයෝ, ගෙදර හරියක ඉන්නෙ නැහැයි කියලා. ඇහුවායැ!!? බැදගත්ත බෙරේ ගහන්නත් එපැයි. මාව අමතක කරන්න එහෙම එපා! –මීට , සීතා මහාලක්ෂ්මි– කාත් කවුරුවත් නැති රාම්ට. හිටි හැටියෙම මෙහෙම ලියුමක් ආවම මොනවා හිතෙන්න ඇතිද? ඔහුගෙ ඔළුවට ආපු ප්‍රශ්න කන්දරාව සහ ඔහුට මොනව නම් හිතෙන්න ඇතිද? ඉතිං මේ සියළුම කුතුහලයන් වැඩි කරමින් මොහුට දිගින් දිගටම ලියුම් එන්න ගන්නවා. ඒත් ඒ කිසිම ලියුමක, එවපු කෙනාගෙ ලිපිනයක් සදහන් වෙන්නෙ නෑ. රාම් දන්න එකම දේ සීතා මහාලක්ෂ්මි කියන නම විතරයි.ඉතිං දවසක් එක ලියමනක් හරහා ලැබෙන හෝඩුවාවකින් මොහු සීතාව හොයාගෙන පිටත් වෙනවා. සීතාව හොයන් මෙලෙස පිටත් වෙන රාම්ගෙ ජීවන චාරිකාව කොහේ ගිහින් නවතියිද? ඒ අතරේ සිදුවන යුධ වාතාවරණ… සමඟින් බොහෝ සේ ප්‍රේක්ෂක ආකර්ෂණය දිනාගන්න මෙම චිත්‍රපටය පැය තුනකට ආසන්න කාලයක් දිවෙනවා. විශේෂම දේ තමයි චිත්‍රපටය ඇරඹෙන කොට දෙන කුතුහලය ඔයාලට විසඳගන්න නම්, අන්තිම තත්පරේ වෙනකම්ම නරඹන්නටම සිදු වනවා. අන්තිම තත්පරේ තමයි එයට උත්තර ලැබෙන්නේ. ඉතින් මං මීට එහා කතාව කියන්නෙ නැහැ. මොකද මීට එහා ගිය ලොකූ කථාවක් මේකෙ අන්තර්ගත වෙනවා. අනිවාරෙන්ම බලන්න කියලා ආරාධනා කරනවා. තවත් සුන්දර නිර්මාණයකින් හමුවන තුරු ඔබ සැමට ජය වේවා…