Airaa (2019) ආත්මයක වියරුව..!

අයිරා (ආරම්භය) යනු 2019 ඉන්දියානු දෙමළ භාෂා ත්‍රාසජනක චිත්‍රපටයක් වන අතර එය KM Sarjun විසින් රචනා කර අධ්‍යක්ෂණය කරන ලදී. චිත්‍රපටයේ රංගනයෙන් දායක වන්නේ Nayanthara සහ Kalaiyarasan. මෙම චිත්‍රපටිය KJR Studios නිෂ්පාදන බැනරය යටතේ Kotapadi J Rajesh විසින් නිෂ්පාදනය කර ඇත. චිත්‍රපටය නත්තල ආසන්නයේ නිකුත් කිරීමට මුලින් බලාපොරොත්තු වූ නමුත් චිත්‍රපටයේ රූගත කිරීම් සැලසුම් කළ පරිදි 2018 දෙසැම්බර් වන තෙක් නිම කිරීමට නොහැකි විය. Nayanthara Maya (2015) ට පසු දෙවන වරට චිත්‍රපටයක ද්විත්ව චරිත නිරූපණය කරයි.

KM Sarjun ලක්ෂ්මි මා කියන කෙටි චිත්‍රපටය මගින් ලෝක දමිළ ජනයා අතර ප්‍රසිද්ධියට පත් මීට පෙර Echcharikkai — Idhu Manidhargal Nadamaadum Idamකියන ෆිලුමට පසුව දෙවන ෆිලුම වන අයිරා ඔහු විසින්ම ලියා අධ්‍යක්ෂණය කරන ලද අතර ලේඩි සුපර්ස්ටාර් නයනතා රා , කලයිඅරසන් හා යොගි බාබු ගේ රංගනයෙන් දායක විය. මෙය 2018 නත්තල් සමයට තිරයට පැමිණීමට නියමිත වුනත් රූගත කිරීම ප්‍රමාද වීම නිසා මාර්තු 2019 තෙක්කල් ගියා.

මෙය නයන්ගේ විශේෂ ෆිලුමක් වෙනවා. ඒ නයන් ප්‍රථම වතාවට දිවිත්ව චරිතයක් නිරූපනය කිරීමයි. ඒකත් එකිනෙකට හාත්පසින්ම වෙනස් රංගනයන් වීම විශේෂයි.

ෆිලුම ගැන කියනවනම්, නයන්ගේ සුපිරිම රංගනයක් බලාගන්න පුලුවන් වගේම මේ ෆිලුම හොල්මන් එකක්ද, ප්‍රේමණීය එකක්ද නැත්නම් ආත්මිය කතාවක්ද කියන එකනම් ටිකක් පටලැවිල්ලකික්. හැබැයි අපි කවුරුත් නැරබිය යුතුම සිනමාපටයක් කියල නම් කියන්න පුලුවන් .

ජීවිතයේ කාලකන්නි උපතක් නැත්නම් අපි මෙලොව දකින විට අපගේ පවුලේ දෙමාපියන්වගේ ලගම කෙනෙක් අපෙන් වෙන්වෙලා මෙලොවින් යනවනම් ඒ ශාපය ඒ උපත ලබන කෙනා ජීවිතාන්තය දක්වාම කර තබාගෙන තම ජීවිතය ගෙවිය යුතුවෙනවානම්. ඒ තරම් දුක්බර ජීවිතයක් හිතා බැලීමත් පහසුකාර්‍යයක් නෙවෙයි ද ? . ඒකත් සුන්දර පෙනුමක් නොමැති කෙල්ලෙක් වුනොත්.
අන්න ඒ වගේ කෙල්ලෙක්ගේ ජීවිත කතාවක් මේ. ජීවිතයේ නොවිදනා දුක් විද ඒවා හිතේ හිරකරන් ජීවත් වූ ඇයට ජිවිතයේ සතුට පෙනි පෙනි තම ජීවිතයේ අවසන් ගමන යෑමට සිදුවේනම්. එයට වගකිය යුත්තන්ට ලබා දිය යුතු දඩුවම කුමක්ද ? ඒ ඇයනම් බවානි වූවාය.