Blood Letter (2012) ලේවලින් ලියූ ලිපිය

මේකෙ කතාව කියනවනම් මේ කතාව ගොඩනැගෙන්නෙ Nguyen Vu කියන තරුණයෙක් වටා. මේ Nguyen Vu පොඩි කාලෙදි එයාගෙ පවුලටයි ඒ පරම්පරාවේ හැමෝටමයි සිද්ධවෙනව රාජ නියෝගයක් නිසා මරණයට පත්වෙන්න. ඉතින් මේ අඳුරු කාල වකවානුව අස්සෙ මෙයාගෙ තාත්තගෙ සේවකයෙක් මෙයාව ඈත පන්සලකට ගෙනත්දානව මාෂල් ආට් ගුරුවරයෙක් ලඟට. මෙයා එහෙදි සටන් කලාව ප්‍රගුණ කරනව. පස්සෙ මෙයා ටිකක් ලොකු වෙලා තරුණ කාලෙදි එයාව බලාගත්ත එයාගෙ ගුරුවරයා මෙයාගෙ ඇත්තම කතාව මෙයාට කියනව. එයා ඒකෙදි දැනගන්නව එයා තමයි එයාගෙ පරම්පරාවෙ ඉතිරිවෙලා ඉන්න එකම කෙනා කියල. මේ සිද්ධියට පාදක වෙන්නෙ මේ කතාව පදනම් වෙන රාජධානියේ රජතුමාගෙ මරණයට Nguyen Vu ගේ සීය වගකියන්න ඕන කියල ඒ රටේ බළධාරියෝ තීරණය කරනව. හැබැයි ඇත්තටම මෙයාගෙ සීය මේ අහුවෙලා තියෙන්නෙ නිරපරාධෙ නොකරපු වැරැද්දකට. මේ සිද්ධිය නිසා ඒ රටේ රැජිණ මෙයාගෙ පරම්පරාවම මරණව. කොහොම වුනත් රජතුමාගෙ මරණෙ පිටිපස්සෙ තියෙන අභීරහස ගැන රාජනියෝජිතයෝ දෙන්නෙක්ට දැනගන්න හම්බවෙනව. මෙයාල ඒ ගැන දන්නව කියල දැනගත්තට පස්සෙ ඒ දෙන්නවත් මරල දානව. හැබැයි මේ දෙන්නගෙන් එක්කෙනෙක් මේ සිද්ධිය ගැන පාපොච්චාරනය කරල ලේවලින් මැරෙන්න මොහොතකට කලින් ලිපියක් ලියනව. රජතුමාගෙ මරණෙ ගැන වගේම Nguyen Vu ගෙ පවුලෙ නිර්දෝෂී බව ඔප්පු කරන්න තියෙන එකම ක්‍රමේ තමයි මේ ලිපිය හොයාගන්න එක.

ඉතින් Nguyen Vu මේ ලිපිය හොයාගෙන ගිහින් එයාගෙ පවුලෙ නම්බුව බේරගන්න කරන උත්සහය තමයි මේ කතාවෙ තියෙන්නෙ. මෙයා මෙහෙම යන අතරමගදි මෙයාට තවත් ගෑණු ලමයි දෙන්නෙක් හම්බවෙනව මෙයා වගේම අසරණ වෙච්ච වගේම පළිගන්න බලාගෙන ඉන්න. මේ කතාවෙ ඉස්සරහට වෙන දේ ගැන ඔයාලම බලන්න. මේක ගොඩක් ලස්සන චිත්‍රපටියක්.