Commando 3 (2019) මීළඟ 9/11 ප්‍රහාරයද..?

මාශල් ආට්ස්.. සාමාන්‍යයෙන් ඉන්දීය සිනමාවට ඒ තරමට හුරු දෙයක් නෙවෙයි. ක්‍රියාදාම චිත්‍රපට දහස් ගණනක් නිපදවුවත්. ඉන්දීය සිනමාවේ නලුවන් කොතරම් සිටියත් .සටන් කලාව ප්‍රගුණ කල ප්‍රධාන පෙලේ නලුවන් සිටින්නේ ඉතාම අඩුවෙන්.
අතීතයේ හින්දි සිනමාව ගත්තත්. සටන් නලුවන් ලෙස හින්දි සිනමාවේ ඉහලින් වැජඹුනේ ආක්ශේ කුමාර් සුනිල් ෂෙට්ටි සනී ඩියෝල් වැනි ප්‍රබලයන්.

නමුත් කාලයාගේ ඇවෑමෙන් හින්දි සිනමාව තුල සටන් නලුවන් හිඟයට විසඳුමක් ලෙස මාශල් ආට්ස් ප්‍රගුණ කල චරිතයක් බිහිවෙනවා.
ඒ විද්‍යුත් ජාම්වාල්. අදටත් හිතෙන දෙයක්.ඉන්දීය සිනමාව ඔහුගෙන් හරියට වැඩක් ගන්නේ කවදද කියන එක. මන්ද ඔහුගේ හැකියාව ඉදිරිපත් කල හැකි ආකාරයේ චිත්‍රපටයක් තවමත් ඉන්දීය සිනමාවේ බිහිවී නෑ .

නමුත් වෙනසක් සිදු කරන්නට ඔහු කරන උත්සහයන් වල ප්‍රතිඵලයක් ලෙස කමාන්ඩෝ චිත්‍රපට මාලාව හඳුන්වන්න පුලුවන්.කමාන්ඩෝ චිත්‍රපට මාලාව බොහෝ දෙනෙක් නරඹා ඇති.

මේ ගෙන එන්න හදන්නේ එම චිත්‍රපට මාලාවේ තුන්වැනි දිගහැරුම.
පසුගිය නොවැම්බර් 29 වනදා ලොව පුරා තිරගත කෙරුන කමාන්ඩෝ 3 විද්‍යුත්ගේ සටන් නිපුණත්වය හොඳින්ම ලොවටම විදහා පානවා.

Commando 3 With Sinhala Subtitle (2019) මීළඟ 9/11 ප්‍රහාරයද..? සිංහල උපසිරැසි සමඟ

විශිෂ්ඨ ඝණයේ සටන් ජවනිකා ගණනාවක් ඇතුලත්. තාත්ත්වික මට්ටමේ සටන් අත්දැකීමක් ලබාගන්න කැමති සැමටම අනිවාර්යයෙන් වටිනා නිර්මාණයක් කමාන්ඩෝ 3.

ආදිත්‍ය දත් විසින් අධ්‍යක්ෂණය කරන ලද ක්‍රියාදාම ත්‍රාසජනක කාණ්ඩයට මෙය නිෂ්පාදනය කරන්නේ රිලයන්ස් එන්ටර්ටේන්මන්ට් සහ මෝෂන් පික්චර් කැපිටල් ආයතන විසින්.

මෙහි චිත්‍රපටයේ විදුත් ජම්වාල් වගේම , අදා ෂර්මා සහ අංගිරා ධාර් ප්‍රධාන චරිත නිරූපණය කරන අතර ගුල්ෂාන් දේවායියා ප්‍රතිවීර චරිතය නිරූපණය කරනවා.

කතාව ගැන වැඩි යමක් කියන්නට යන්නේ නෑ . මුම්බායි පොලිසීය විසින් අත් අඩංගුවට ගන්නා ත්‍රස්තවාදී පිරිසකගෙන් ප්‍රශ්න කිරීම් කලත් . කිසිදු තොරතුරක් ලබාගන්නට බැරි තැන.

කමාන්ඩෝ කරන් පොලිස් සහයට ගෙන්වා ගන්නවා. එතැන් සිට ඉතිරිය එක හුස්මට නැරඹීම ඔබට බාරයි. කුතුහලය පිරුණු සුපිරි ක්‍රියාදාමයන් බලන්න ලෑස්ති වෙන්න කියලා කට්ටියටම ආරාධනා කරනවා.