Down a Dark Hall (2018) සිසුවියන් බිලිගත් බ්ලැක්වුඩ් පාසලේ අභිරහස් ප්‍රෙහේළිකාව..!!

කැත්‍රීන් කියන්නේ වයස අවුරුදු 17ක් වෙන තරුණ ගැහැණු ළමයෙක්. ඒත් මෙයාගෙ වැඩ කිඩ නම් කෙල්ලෙක්ට ඔබින දේවල් නම් නෙවෙයි. පොඩි කාලෙ එයාගෙ තාත්තගේ අකල් මරණයෙන් පස්සෙ කැත්‍රීන් එයාගෙ අම්මත් එක්ක තමයි ජීවත් වුණේ. හරිම දඩබ්බර කෙල්ලෙක් වුණු ඈෂ්ලි හැම වෙලාවෙම වගේ නොයෙක් නොයෙක් විදිහෙ දඩබ්බර වැඩ කළා. කැත්‍රින්ගෙ මේ වැඩ නිසා එයාගෙ අම්මා එයාව මානසික සායනයකට පවා එක්කගෙන යන්න පටන්ගත්තා. ඒත් ඈෂ්ලිගේ මුරණ්ඩුකමවත් එයාගෙ දඩබ්බර වැඩවත් පොඩ්ඩක්වත් අඩුවුණේ නම් නැහැ. මේ අතරෙ තමයි දවසක් කැත්‍රින් එයාගෙ චිකිත්සකවරයගේ ඔෆිස් එකේ ඉන්න අතරෙ තමයි ඩොක්ටර් සින්ක්ලෙයා කියල ගෑණු කෙනෙක් කැත්‍රින්ව මුණගැහෙන්න එන්නෙ. ඩොක්ට සින්ක්ලෙයා පිටිසර තියෙන බ්ලැක්වුඩ් නමින් හඳුන්වන පාසලට උපදේශිකාවක්. ඉතින් මේ සින්ක්ලෙයා කැත්‍රින්ගෙ අම්මට වගෙම කැත්‍රින්ගෙ සුළු පියා ඩේව්ට යෝජනා කරනවා කැත්‍රින්ව බ්ලැක්වුඩ් පාසලට බාරදෙන්න කියල.

සින්ක්ලෙයාගෙ මේ යෝජනාව ගැන කැත්‍රින්ගෙ නම් කිසිම කැමැත්තක් පේන්න තිබුණෙ නැතත් එයාගෙ අම්මයි ඩේව් දෙන්න නම් ඒකට ගොඩක් සතුටුවෙනවා. ඉතින් කොහොමින් කොහොම හරි අකමැත්තෙන් වුණත් කැත්‍රින්ට බ්ලැක්වුඩ් පාසලට ඇතුළත් වෙන්න සිද්දවෙනවා. කැත්‍රින් බ්ලැක්වුඩ් වලට ගිය දවසෙ එයා ඇරෙන්න වෙන කිසිම ළමයෙක් පේන්න හිටියෙ නැහැ. එයාල එදාට පහුවදා එනව කියල තමයි ස්කෝලෙ පාලිකාව විදිහට ඉන්න මැඩම් ඩුරෙට් කියන ගෑණු කෙනා කැත්‍රින්ට කියන්නෙ. කොහොම හරි පහුවදා උදේම වෙරෝනිකා, ඈෂ්ලි, ඉසී වගෙම සියෙරා කියල තවත් ගෑණු ළමයි හතරදෙනෙක් බ්ලැක්වුඩ් පාසලට ඇතුළත් වෙන්න එනවා. මෙයාලත් කැත්‍රින් වගෙම දඩබ්බර ජීවිතයක් ගත කරපු කෙල්ලො ටිකක්. වෙරෝනිකා නම් ගොඩක්ම දඩබ්බර කිසිම කෙනෙකුට ප්‍රියමනාප කෙල්ලෙක් නෙවෙයි. අනිත් කෙල්ලො තුන්දෙනා නම් ඒ තරම් දඩබ්බර නැහැ. ඒත් මේ කෙල්ලො පස්දෙනා අතරෙ එච්චර මිතුරු කමක් නම් ඇතිවෙන්නෙ නැහැ.

පිටිසර පාළු ප්‍රදේශයක පිහිටලා තියෙන මේ බ්ලැක්වුඩ් පාසල පැරණි තාලෙ ගොඩනැගිල්ලක්. ඒ වගෙම තමයි ගොඩනැගිල්ල ඇතුළෙත් තියෙන්න මහ අත්භූත පෙනුමක්. කැත්‍රින් වගෙම අනිත් ගැණු ළමයි හතරදෙනා බ්ලැක්වුඩ් පාසලට ඇවිත් ඉන්නෙ එයාලගේ විශේෂ හැකියාවන් වැඩි දියුණු කරගෙන විශිෂ්ට කෙනෙක් බවට පත්වෙන්න කියලයි මැඩම් ඩුරෙට් නම් කියන්නෙ. බ්ලැක්වුඩ් පාසලේ ප්‍රධාන විශයන් විදිහට උගන්වන්නෙ අංක ගණිතය, චිත්‍ර, සාහිත්‍යය සහ සංගීතය. ඉතින් මේ කෙල්ලො හතරදෙනා මේ විශයන් ඉගෙනගන්න පටන්ගන්න කලින් මැඩම් ඩුරෙට්ගෙ නියෝගය පරිදි එයාලගෙ ජංගම දුරකතන පාසලේ සේවිකාවක් වෙන මිස් ඔර්ලොන්ස්කි එකතුකරනවා. එහෙම කරන්නෙ එයාලගේ අවධානය බිඳෙන එක නවත්තන්න කියලයි උපදේශකවරු කියන්නෙ.

කොහොම කොහොම හරි කැත්‍රින් වගෙම අනිත් ගෑණු ළමයි හතරදෙනාත් එයාලගෙ ඉගෙනුම් වැඩ පටන්ගන්නවා. කැත්‍රීන් සංගීතය ඉගෙනගන්නවා. සියෙරා චිත්‍ර ඉගෙනගන්නවා. ඈෂ්ලි කාව්‍ය ශාස්ත්‍රය ඉගෙනගනවා. ඒ වගෙම ඉසී අංක ගණිතය ඉගෙනගන්නවා. අමාරුකාරයෙක් වුණු වෙරොනිකා නම් කිසිම දේකට උනන්දුවක් දක්වන්නෙ නැහැ. මෙහෙම කාලයක් යනකොට කැත්‍රින්, ඈෂ්ලි, ඉසී වගෙම සියෙරා එයාල ඉගෙනගන්න විශයන් වලට අසාමාන්‍යය විදිහට දක්ශයින් බවට පත්වෙනවා. කැත්‍රින් විශිෂ්ට සංගීතවේදීන්ගේ සංගීත තනු වාදනය කරන්න පටන්ගන්නවා. ඉසී බොහොමයක් සංකීර්ණ ගණිත ගැටළු ඉක්මනින්ම මතකයෙන් විසඳන්න පටන්ගන්නවා. ඈෂ්ලි සුප්‍රසිද්ධ කිවිඳියකගේ කවි ලියන්න පටන්ගන්නවා. සියෙරා සුප්‍රසිද්ධ චිත්‍ර ශිල්පියෙක්ගෙ චිත්‍ර අඳින්න පටන්ගන්නවා. මේ දේවල් වල අමුත්තක් තියෙන බව කැත්‍රින්ට තේරුම් යනවා. මේ අතරවාරෙ ඈෂ්ලිට වගෙම කැත්‍රින්ටත් එක එක මිනිස් චායාවන් පේන්න පටන්ගන්නවා. මේ විදිහට තමයි කැත්‍රින්ට වගෙම අනිත් ගැහැණු ළමයි හතරදෙනාට මුහුණදෙන්න සිද්දවෙන අත්භූත සිදුවීම් පෙළ පටන්ගන්නෙ. එහෙනම් මින් ඉදිරියට මේ කෙල්ලො පස්දෙනාට මුහුණදෙන්න වෙන ඒ අත්භූත සිදුවීම් පෙළ නරඹන ඔබටම බාරයි…

Lois Duncan නම් වූ ඇමෙරිකානු කතුවරයා විසින් රචිත “Down a Dark Hall” නම් වූ නවකතාව පාදක කරගනිමින්, Drama | Fantasy | Horror | Thriller යන සිනමා වර්ගීකරණයන්ට අයත්ව 2018 අගෝස්තු මස 17 වැනිදා පටන් තිරගතවීම ඇරඹූ කුතුහලයෙන් හා අපූරු කතා තේමාවක් රැගත් සිනමා නිර්මාණයක්. චිත්‍රපටයේ අධ්‍යක්ෂකවරයා ලෙස Rodrigo Cortés කටයුතු කර ඇති අතර තිර පිටපත නිර්මාණය කර ඇත්තේ Michael Goldbach හා Chris Sparling යන දෙදෙනා විසිනුයි. චිත්‍රපටයේ ප්‍රධාන චරිතය වන “කැත්‍රින්”ගේ චරිතයට Charlie and the Chocolate Factory (2005), Bridge to Terabithia (2007) සහ The Way, Way Back (2013) යන සිනමාපට වලට රංගනයෙන් එක්වූ AnnaSophia Robb තම රංගනයෙන් එක්වී ඇති අතර සෙසු චරිත සඳහා Uma Thurman, Victoria Moroles, Isabelle Fuhrman, Taylor Russell, Rosie Day සහ Noah Silver යන නළු නිළියන් තම රංගන දායකත්වය ලබාදී තිබෙනවා. ස්පාඤ්ඤයේදී රූගත කිරීම් සිදුකර ඇති මිනිත්තු 96ක් පුරාවට ගලායන කතා පුවතක් රැගත් මෙම ඉංග්‍රීසි හා ස්පාඤ්ඤ සිනමා සම්මිශ්‍රණයට IMDb දර්ශකයේ 5.3/10 ක අගයක් හා Rotten Tomatoesහි 52% මනාප ප්‍රතිශතයක් හිමිවී තිබෙනවා.

“Your choices have been yours and yours alone”
-Madame Duret.
~~Destiny Is All~~
~~සියල්ල දෛවයයි~~

Down a Dark Hall (2018) With Sinhala Subtitles | “සිසුවියන් බිලිගත් බ්ලැක්වුඩ් පාසලේ අභිරහස් ප්‍රෙහේළිකාව..!! ” | සිංහල උපසිරැසි සමඟ