Geetha Govindam (2018) ආදරය මේ තරම් අකීකරුද? ❤️‍

ගීතා ගෝවින්දම් 2018 ඉන්දියානු තෙළිඟු භාෂා ආදර❤️‍ හාස්‍යමය චිත්‍රපටයක් වන අතර එය පරසුරාම් විසින් රචනා කර අධ්‍යක්ෂණය කරන ලදී. GA2 Pictures යටතේ Bunny Vas විසින් නිෂ්පාදනය කර ඇත. චිත්‍රපටයේ Vijay Devarakonda සහ Rashmika Mandanna රංගනයෙන් දායක වන අතර Subbaraju, Rahul Ramakrishna, සහ Nagendra Babu සහාය චරිත නිරූපණය කරති.

2018 අගෝස්තු 15 දින නිකුත් කරන ලද මෙම චිත්‍රපටය රුපියල් කෝටි 5ක අයවැයක් මත රුපියල් කෝටි 132ක් උපයාගත් දැවැන්ත වාණිජමය සාර්ථකත්වයකි. එය “උත්සාහ කළ සහ පරීක්‍ෂා කළ කතාවක්” ලෙස විචාරකයන්ට හැඟුණද, චිත්‍රපටය එහි අධ්‍යක්ෂණය, කාර්ය සාධනය සහ නිෂ්පාදන අගයන් සඳහා ප්‍රශංසාවට ලක් විය.

කතාව ගැන නම් වැඩ්ය කියන්න යන්නේ නෑ. මොකද මේ වගේ එකක් කතාව වැඩිය නොදැන බලනකොටයි චිත්‍රපටයේ රස දැනෙන්නේ. විජේ කියන්නේ ගුරුවරයෙක්. හිතේ ඇඳිලා ඉන්න ගෑනු ළමයා ගැන හීන දකිමින් ඉන්න මෙයා දවසක් කෝවිලකදී හිතේ ඇඳිලා තියෙන විදිහේ ගෑණු ළමයෙක්ව දකිනවා. ඉතින් ඊට පස්සේ දවසක එයාගේ නංගිගේ විවාහය වෙනුවෙන් ගමට යන්න යනකොට මේ තරුණියත් ඒ බස් එකටම ගොඩවෙලා එයාගේ ලඟින්ම වාඩි වෙනවා. එතනදී සිදුවන සිදුවීමක් නිසා වැඩේ දුර දිග යනවා. ඒ සිදුවීමත් එක්ක තමයි කතාව ගලාගෙන යන්නේ. ඉතින් ඒ සිදුවීම මොකක්ද? මේ සොඳුරු ආදර කතාව ගොඩනැගෙන්නේ කොහොමද? ඒ සියල්ලට උත්තර සොයාගැනීම ඔබට බාරයි.! ජය වේවා..!