Kavaludaari (2019) අවුරුදු ගනනකට පසු හෙලිවූ සත්‍ය

පොලිසිය ආරම්භ කරපු කාලෙ…
පොලිස් නිල ඇඳුම සුදු පාටයි.
නිල ඇඳුමෙ පාට මොකක් වුනත් ශ්‍යාම්…
…සුදු පාට, නිල් පාට, කොල පාට…
නිල ඇඳුම කියන්නෙ සංකේතයක්.
ඒකෙන් ධෛර්යය, පරාථකාමී බව,
ගෞරවය පෙන්නුම් කරනව.
ඒත් පොලිසියට සුදු අදින එකේ
පොඩි ප්‍රශ්නයක් තිබුන…
…මොකද අපේ රටේ තියන පරිසර
දූෂනය, දූවිල්ල නිසා…
නිතරම පිරිසිදු ඇඳුම් අදින්න
ඇදුම් හෝදන එක ප්‍රශ්නයක් වුනා.
එතකොට තමයි එයාල පිලියමක් හොයගත්තෙ.
එයාල සුදු නිල ඇඳුමට පාටක් කවලම් කරා.

Mystery/Thriller ගනයට අයත් වෙන සුපිරියක් තමයි මම ඔයාලට අද අරගෙන ඇවිල්ල තියෙන්නෙ. ටික කලෙකට පස්සෙ කන්නාඩ ෆිලුමක් කරන්න ලැබුන, IMDb අගය 8.3ක් වැනි ඉහල අගයක් අරගෙන තියන මේ ෆිලුම තිර රචනය සහ අධ්‍යක්ෂනය ඔයාල අපි කවුරුත් අසවෙන් බලපු Andhadhun චිත්‍රපටය අධ්‍යක්ෂනය කරපු Hemanth Rao මහතා අතින් සිදුවෙලා තියෙන්නෙ. ඒකෙන්ම තේරෙනව ඇතිනෙ මේක සුපිරියක් වෙන්න ඕන කියල. Anant Nag, Rishi, Achyuta Kumar, Suman Ranganathan, Roshni Prakash ඔන්න ඔය අය තමයි රංගන සහය දකවන්නෙ. අභිරහස් කිව්වම දන්නවනෙ. මේකත් ඒවගේ පටලැවිල්ලක් තමයි හරියට හොදටම අවුල් කරල තියන රූබික් කැටයක් වගේ. එක තැනකින් හදාගෙන එද්දි අනික් පැත්තෙන් අවුල් වෙනව. කතාව බොහොම අවධානයෙන් බලන්න ඕන.

කාකි නොහොත් කාක්…
දන්නවද කාක් කියන්නෙ මොකකද කියල?
කාක් කියන්නෙ අපිරිසිදු බව.
එක විදිහකින් මේ ඉන්න අපරාධකාරයො
සමාජය අපිරිසිදු කරනව.
ඒ අපිරිසිදු බව නැති කරන්න නම්,
අපිට ඒකට හුරු වෙන්න වෙනව.
ඒත් ඒක නිකම් රඟපෑමක් විතරයි.
ඒ අපිරිසිදු බවට යටවෙලා තියන හැමදේම…
…සම්පූර්ණයෙන්ම පාරිශුද්ධයි.
අපි ඒක අමතක කරන්න හොද නැහැ.

කතාව පටන්ගන්නෙ 1977 බැන්ගලූර් පුරාවිද්‍යා දෙපාර්තමේන්තුවෙ සිදුවෙන ඝාතන සිද්දියක් එක්ක. ඒත් එක්කම එතන තියන සේප්පුවක් හිස්වෙලා තියනව පෙන්නනව. එතන ඉදන් මනුස්සයෙක් පැනගන්නව. පුරාවිද්‍යා දෙපාර්තමේන්තුවේ සේප්පුවෙ තිබිල මොනවද නැතිවෙන්නෙ? එක ප්‍රශ්නයක් ඇතිවෙනව. ඉතින් මරණය සම්බන්ධ විමර්ශනය කටයුතු බාර වෙන්නෙ මුත්තන්නා කියන පොලිස් නිලධාරියාට. ඊට පස්සෙ වර්ථමානයට එනව. ශ්‍යාම් රථවාහන පොලිස් නිලධාරියෙක්, අපි කවුරුත් දන්න ට්‍රැෆික් නිලධාරියෙක්. ඉතින් මෙයා ට්‍රැෆික් වලට වැඩිය අපරාධ අංශයට යන්න තමයි ආස කරන්නෙ. ඔය අතර සංවර්ධන කටයුත්තක් කෙරෙන තැනක තිබිල ඇටසැකිලි කිහිපයක් හම්බ වෙනව. ශ්‍යාම් එහෙමත් එතනට එනව. මේ ඇට සැකිලි කාගෙද? තවත් ප්‍රශ්නයක්. එක් ප්‍රශ්නයක් විසදෙනකොට තවත් ප්‍රශ්නයක් ඇතිවෙනව. කම්මැලිකමක් නැතුව එකදිගට බලන්න පුලුවන්..