Naa Peru Surya Na Illu India (2018) රට වෙනුවෙන් කැපවු සෙබලෙකුගේ වේදනාව..!

ජිවිතේ ඔයා මොන කෙනෙක් වෙන්න හිතුවත්..!
ඒක ඔයාගෙම තේරීම වෙන්න ඕන..!
නැතුව ඔයා ඉන්න වතාවරණය
හින්දා ඒක වෙන්න බෑ.!
මොකද වතාවරණය කියන
දේ නිතරම වෙනස් වෙනවා අන්වර්..!
වෙනස් වෙන්නේ නැති එකම දේ තමයි
අපේ ඇතුලේ තියෙන චරිතය.!

2018 මැයි 4 වෙනිදා නිකුත් වුන මේ චිත්‍රපටය අයිති වෙන්නේ Action කියන වර්ගීකරණයට. චිත්‍රපටය අධ්‍යක්ෂණය කරලා තියෙන්නේ Vakkantham Vamsi විසින්. මෙය ඔහු අධ්‍යක්ෂනය කරන පළමු චිත්‍රපටයයි. සංගීතය Vishal-Shekhar ගෙන්. ප්‍රධාන චරිත වලට සුපිරි නළු Allu Arjun සූර්යා ලෙසිනුත් Anu Emmanuel සූර්යාගේ පෙම්වතිය වර්ෂා ලෙසිනුත් රංගනයෙන් දායකත්වය සපයනවා.මේ වන විට IMDb දර්ශකයේ 7.3 ක් වැනි ඉහළ අගයක් ලබා තිබෙන මේ චිත්‍රපටය ඉන්දියානු රුපියල් කෝටි 120 – 130 අතර බොක්ස් ඔෆිස් ආදායමක් ලබා ඇති බවයි සඳහන් වෙන්නේ. ඒ වගේම මේ චිත්‍රපටය හින්දියෙන්, දමිළ බසින් මෙන්ම මලයාලම් යන භාෂා වලින් ද හඬකවා ප්‍රදර්ශනය කර තිබෙනවා.

කතාව මෙහෙමයි.! සූර්යා කියන්නේ ඉන්දියානු හමුදාවේ සේවය කරන හමුදා නිළධාරියෙක්. මෙයාගේ එකම හීනේ තමයි දේශ සීමාවට ගිහින් තමන්ගේ ජන්ම භුමියට ආරක්ශාව සැපයීම. හැබැයි මෙයාට පොඩි ප්‍රශ්නයක් තියෙනවා. ඒ තමයි තරහා පාලනය කරගන්න බැරි කම. ඒක නිසා නිතරම මෙයා තම ජ්‍යෙෂ්ඨ නිලධාරින්ගේ උදහසට ලක්වෙනවා. දවසක් රෑක ක්ලබ් එකකදි සිද්දවුන ගැටුමකදි සූර්යා පොලිස් ඉන්ස්පෙක්ටර් කෙනෙක්ට ගහලා අතත් කඩලා ඒ පොලිස් නිළධාරියගේ තුවක්කුවත් අරන් යනවා. ඉතින් ඒ ඉන්ස්පෙක්ටර් තමන්ගේ තුවක්කුව ඉල්ලගන්න සූර්යාගේ අණදෙන නිළධාරිතුමා ලඟටම යනවා.ඉතින් අණදෙන නිළධාරිතුමා ඇතුලු කණ්ඩායමක් සූර්යාගේ මේ ප්‍රශ්නය ගැන විභාග කරන්න පටන් ගන්නකොටත් සූර්යා ඒ තුවක්කුවෙන් වැඩකුත් අරන් ඉවරයි..! ඉතින් ඒ ප්‍රශ්නය විභාග කරන මොහොතේදි පවා සූර්යාට තමන්ගේ ජ්‍යෙෂ්ඨ නිලධාරින් ඉදිරියේදිත් තමන්ට එන ක්ෂණික කෝපය පාලනය කරගන්න බැරිව යනවා.

ඉතින් හමුදාවකදි එහෙමත් නැතිනම් විනය කියන දේ 100% කටත් වඩා තියෙන්න ඕන තැනකදි කෝපය පාලනය කරගන්න බැරි මේ සූර්යාට මොන වගේ අර්බුධ වලට මුහුණ පාන්න සිදු වෙයිද? ක්ෂනික කෝපය නිසා තමන්ගේ ආදරය පවා අහිමි කර ගන්නා සූර්යාගේ දේශ සීමාවට යන හීනය හැබෑ කරගන්න පුලුවන් වෙයිද? එසේනම් ඒ සිදූවීම් පෙල හා බැඳුනු මේ අලංකාර සිනමා පටය නරඹා රසවිඳිම ප්‍රේක්ෂක ඔබට සැමට භාරයි.

Naa Peru Surya Na Illu India (2018) With Sinhala Subtitles | රට වෙනුවෙන් කැපවු සෙබලෙකුගේ වේදනාව..!