Pacific Rim Uprising (2018) රොබෝවරුන්ගේ යළි ආගමනය

එහෙමනම් දැන් අපි සිනමාපටය ගැන විමසා බැලීමක් කරලා බලමු. PACIFIC RIM ප්‍රථම චිත්‍රපටය නිකුත් වුනේ 2013 වසරේ. ඉන්පසුව මෙහි දෙවැන්න PACIFIC RIM UPRISING ලෙස වසර පහකට පසුව 2018 වර්ෂයේ මාර්තු 21වන දින තිරගත කෙරෙන්නට යෙදුනා. මෙවර සිනමාපටයේ අධ්‍යක්ෂණ කටයුතු සිදුව තිබෙන්නේ Steven S. Deknight නම් අධ්‍යක්ෂවරයා අතින්. ප්‍රථම චිත්‍රපටයේ අධ්‍යක්ෂකවරයා වූ Guillermo del Toro මෙවර මෙහි නිෂ්පාදකවරයකු ලෙස සම්බන්ධව සිටීම විශේෂත්වයක්. මේ වන විට IMDB දර්ශකයේ 6.0ක අගයක් ලබා ගන්නට සමත්ව ඇති මෙම සිනමාපටය උපයා ඇති ආදායම ඇමෙරිකානු ඩොලර් 281,726,740 ලෙස දැක්වෙනවා. මෙවර ප්‍රධාන චරිත ලෙස රංගනයෙන් දායක වන්නෙ John Boyega ජේක් පෙන්ටකොස්ට් ලෙස ප්‍රධාන චරිතයට පණ පොවද්දී සෙසු චරිත සදහා Jing Tian (ලිවෑන් ෂාඕ), Scott Eastwood (ලැම්බර්ට්), Rinko Kikuchi (මාකෝ මෝරි), Charlie Day (නිව්ටන් ගයිස්ලර්), Burn Gorman (ගොට්ලිබ්) ලෙසත් සිය රංගන දායකත්වය සපයනවා.

කට්ටියට මතක ඇති නේද PACIFIC RIM පළමුවන චිත්‍රපටයට පාදක උනේ පැසිෆික් සාගරය මධ්‍යයේ පැවති දොරටුවකින් පැමිණෙන කයිජු නම් වූ යෝධ රාක්ෂයන් පිරිසක් බව. පෘථිවිය ඔවුන් හා සටන් වැදුනා, නමුත් ඔවුන් එන්න එන්නම පරිනාමනය වෙමින් බලවත් වීමත් සමග පෘථිවියෙ සියලුම බලවත් රාජ්‍යයන් තීරණය කළා එකට එකතුව ඔවුන් හා සටන් වැදීමට යෝධ රොබෝවරුන් නිර්මාණය කිරීමට. ඒ අනුව තමයි යේගර්වරු නිපදවෙන්නෙ. ඩොක්ට ගයිස්ලර් සහ ගොට්ලිබ් දෙදෙනා එක්ව හොයාගන්නවනේ මේ කයිජු රාක්ෂයන්ව වෙනත් පිටසක්වළ ජීවි වර්ගයක් පාලනය කරනවා කියලා. කෙසේ වෙතත් මේ දැවැන්තයන් හා සටනේදී යේගර් නියමුවෙකු වෙන ස්ට්‍රකර් පෙන්ටකොස්ට් කයිජුලා පැමිණෙන විවරය වහන්න තම ජීවිතය පවා පරිත්‍යාග කරනවා. අන්න ඒ විදිහට තමයි පළමුවැනි සිනමාපටයේ කතාව ගෙතෙන්නෙ.

2013 ආපු පැසිෆික් රිම් බලපු අයට නම් මේක එනකල් ඉවසුමක් නැතුව හිටියේ. මොකද අවුරුදු 5කට පස්සේ තමයි ෆිල්ම් එක එන්නේ. ඩොලර් මිලියන 150කටත් වඩා වියදම් කරලා හදපු අලුත් ෆිල්ම් එක මාර්තු 23 තමයි ඇමරිකාවේ තිරගතවීම ඇරඹුවේ.
කතාව යන්නේ 2035දි.
ඒ කියන්නේ කලින් යුද්ධය වෙලා වසර 10කට පස්සේ. කලින් කතාවේ හිටපු පෙන්ටකොස්ට් ගේ පුතා, ජේක්, ප්‍රශ්නයක් වෙලා යේගර් නියමුවෙක් ලෙස ඉඳලා පස්සේ ඔවුන් වැඩ තහනම් කරනවා. ඔහු රැකියාව විදියට කරන්නේ යේගර් කොටස් බ්ලැක් මාකට් එකේ විකුණනවා වැඩි ගානකට. මේ අතරේ අහඹු ලෙස හමුවෙනවා අමාරා නමානි කියලා අවුරුදු 15ක පොඩි ගෑණු ළමයෙක්. ඇය තමන්ගේම යේගර් කෙනෙක් හදලා. කොහොමහරි දෙන්නවම අත්අඩංගුවට ගැනෙනවා. ජේක්ගේ වාසනාවකට දෙන්නටම යන්න පුලුවන් එක්කෝ හිරේට. නැත්නම් එන්න වෙනවා යේගර්ලා එක්ක වැඩ කරන්න. ඉතින් එයා තීරණය කරනවා යේගර්ලා එක්ක කලින් වගේම වැඩ කරන්න.

මේ අතර, ඕස්ට්‍රේලියාවේ තිබ්බ කවුන්සිලයක් අතරතුර ඔබ්සිඩියන් ෆියුරිව කවුරුහරි පැහැරගෙන පාලනය කරනවා. ඉතින් එතන ලොකු සටනක් කරන්න වෙනවා කට්ටියට ඒක නවත්වන්න. නියමුවන් කවුද කියලා බලද්දි ඒ යේගර්ගේ ඉන්නේ නියමුවන් නෙවෙයි. කයිජු කොටස් තියෙන්නේ. කයිජු විසින් තමයි යේගර්ව පාලනය කරලා තියෙන්නේ. කයිජුලාව එවන පිටසක්වල ජීවින් අලුත් ක්‍රමයක් හොයාගෙන පෘථිවියට පහරදෙන්න. මේ සැරේ ලේසි නෑ. මොකද මේ සැරේ මිනිස්සුත් සම්බන්ධ කරගෙන! ලොකූ ව්‍යාකූල තත්වයක් ඇතිවෙනවා ලෝකයේම. හිතාගන්න බැරි විදියට. .