Ratsasan (2018) අති බිහිසුණු ඝාතකයකුගේ මායාකාර වියරුව!

චිත්‍රපටය දිහාවට හැරුනොත් මේකේ හොද පිටපතක් ආපු වෙලාවේ IMDb අගය 9 පහු කරලා තිබුනා. දැන් ඒත් අගය 8.9කට බැහැලා. ඒ කියන්නේ කොහොමත් මේක සුපිරි ගණයේ චිත්‍රපටයකට අයත් කියලා පැහැදිලිනේ. Mystery චිත්‍රපට බලන අයට කියාපු චිත්‍රපටියක්. Vishnu Vishal, Amala Paul, Radha Ravi, Ramdoss ආදී නලු නිළියන් රංගනයෙන් දායක වෙනවා.

කතාව ගැන කිව්වොත් කතාවේ වීරයා අරුන් ආස කරන්නේ චිත්‍රපටි අධ්‍යක්ෂකවරයෙක් වෙන්න. ඒත් හිතන තරම් වැඩේ ලේසි වෙන්නේ නෑ. ආර්ථික අපහසුතා නිසා මස්සිනගේ උදව්වෙන් හා තාත්තට පොලිසිය තිබ්බ ගෞරවය නිසා වීරයා අන්තිමට උප පොලිස් රස්සාවට යන්න තීරණය කරනවා. ඔහොම රස්සාවේ ඉන්නකොට තමා වයස අවුරුදු 15 කෙල්ලෙක්ව අමානුෂික විදියට මරලා දාලා හම්බවෙන්නේ. හැමෝම මේක ආදර හුටපටයක් කියල හිතුවත් අරුන්ට මේ ගැන සැකයක් එනවා. මොකද මේ වගේ කරුණු ගැන අරුන් අවුරුදු ගානක් විස්තර හෙව්වා එයාගේ චිත්‍රපටියට කතාවක් හදාගන්න. අරුන් මේක ඉහල නිලධාරින්ට දැනුම් දුන්නට වැඩක් වුනේ නෑ. ඊළග කෙල්ලවත් ඒ විදියට මරලා දැම්මට පස්සේ තමා කට්ටියගේ ඇස් ඇරෙන්නේ.ඇයි මෙහෙම අවුරුදු 15ම කෙල්ලෝ මැරෙන්නේ. කවුද මරන්නේ? මොකටද මරන්නේ? වගේ ගොඩක් ගැටලු ඔයාලට මතු වෙයි. ඒකට විසදුමත් ලැබෙයි.

ඉන්දියාවේ මේ චිත්‍රපටිය හොල්මන් චිත්‍රපටියකටත් වඩා බය හිතෙනවා කියලත් ඇතැමුන් මත පල කලා. චිත්‍රපටි විග්‍රහ කරන්නන් පවා ඉතා ඉහල මට්ටමකින් අගයපු චිත්‍රපටියක්. මේ චිත්‍රපටියේ දුෂ්ඨයාව ඉතා ඉහලින් සුපර්ස්ටාර් රජිනිකාන්ත් පවා අගයලා තිබ්බා.
මේ වගේ චිත්‍රපටියක් දෙමළ නොබලන කෙනෙකු වුවත් බැලිය යුතු මට්ටමේ චිතපටියක්.