Rowdy Rathore (2012) රව්ඩි රාතෝර්!

කථාව ගැන සරලව කියන්නම්. එක්තරා දක්ෂ සොරෙක්, කපටියෙක් ඉන්නවා.. එක්තරා කිව්වට දැන් තේරෙනවා ඇති කවුද කියල.. ඔහුගේ නම ශිවා. ඉතිං එයාගේ හොර වැඩ කරන අතරේ එයාට ලස්සන ගැණු ළමයෙක් මුණ ගැහෙනවා. එයාගේ හිත ගන්න කරන දේ නම් කියල වැඩක් නෑ. ගැණු ළමයත් යාළු කරගෙන එයාගේ කීම නිසා මෙයා හොරකම් නතර කරන්න තීරණය කරනවා. ඒත් අන්තිමට ජීවිතේටම ඇතිවෙන්න ලොකු හොරකමක් කරලම නවත්තනවා කියලා වැඩේට බැස්සා. ඉතින් එතනින් තමා කථාව උඩු යටිකුරු වෙන්නේ. ඔහුගේ පස්සෙන් දරුණු මැරයන් පිරිසක් ලුහුබඳිනවා. ඒ මොකටද කියලා එයාවත් දන්නේ නෑ. මේ මැරවරයින් එක් ගමක් යටත් කරගෙන සිටින මහා දාමරිකයන් පිරිසක්. මිනීමරුවන් පිරිසක්. මොවුන් මෙහෙය වන්නේ බාප්ජී යනුවෙන් හැඳින්වෙන පුද්ගලයෙක් විසින්. ඔහුගේ කෙනෙක් යම් පොලිස් නිලධාරියෙක් අතින් මරණයට පත්වනවා. ඉතින් ඔවුන් ශිවා පස්සේ එලවන්නේ කුමන හේතුවක් නිසාද? මේ කථාව ඇත්තටම ගොඩක් හිනා වෙන්න පුළුවන් එකක්. ඊටත් වඩා දුකට නොදැනිම ඇහෙන් කඳුළු බේරෙන කථාවක්.. ඉතින් මෙහි තත්වය ගැන අමුතුවෙන් කියන්න අවශ්‍ය නෑ නේ…. ගොඩක් දුක හිතෙන සිද්ධි වගේ ගොඩක් හිනා යන සිද්ධි තියෙන නිසා ආසාවෙන් චිත්‍රපටයේ බලන්න පුළුවන්. ඒ වගේම ගොඩක් දරුණු සටන් මෙහි ඇතුලත්.. හැම දෙයින්ම අංග සම්පූර්ණ සුපිරි නිර්මාණයක්. තවත් ඉතිං කියන්න ඕන නෑ… අනිවා හැමෝම මේක බලන්න කියලා ආරාධනා කරනවා.