Runway 34 (2022) ස්කයිලයින් 777

තවත් හින්දි චිත්‍ර‍පටියක් තමයි මේ විදියට අරන් එන්නේ. මේක නම් ඇවිත් ටික දවසක් වෙනවා.. ඉතින් බලපු නැති කෙනෙක් ඉන්නවා නම් අරන් බලන්න වටින චිත්‍ර‍පටියක් කියලා කියන්නම ඕනි.. මේකේ ප්‍ර‍ධාන චරිතය කරන්නේ වගේම අධ්‍යක්ෂණය කරන්නේ Ajay Devgn විසින්.. මිට අමතරව Amitabh Bachchan,Rakul Preet Singh, Aakanksha Singh හා Boman Irani සෙසු චරිත වලට රංඟනයෙන් දායක වෙනවා.

චිත්‍ර‍පටිය ගැන කියන්න කලින් ඔබ හොලිවුඩ් ෆිල්ම් රසිකයෙක් නම් මේක දැක්කාම මේ හා සමාන විදියේ ෆිලින් එකක් තිබ්බ චිත්‍ර‍පටියක් ගැන ඔබ දන්නවා ඇති. Sully 2016 චිත්‍ර‍පටිය. නමුත් ඒ චිත්‍ර‍පටියට හා මේ චිත්‍ර‍පටියට කිසිම සමාන කමක් නැහැ. මමත් මුලින් හිතුවේ ට්‍රේලර් එක බැලුවාම ඒ චිත්‍ර‍පටියේ ප්‍ර‍තිනිර්මාණයක් කියලා. එත් ඒකට මේක කිසිම සම්බන්ධයක් නැහැ. ඉතින් බය නැතුව මේක අරන් බලන්න පුලුවන්…

මේ චිත්‍ර‍පටියේ කතාව ගැන කිව්වොත් කැප්ටන් වික්‍රාන්ත් කියන්නේ දක්ෂ ගුවන් නියමුවෙක් මෙයාලා එයාලාගේ ගුවන් යානාව ඩුබායි ඉදන් කෝචින් දක්වා පියාසර කරගෙන එනවා. නමුත් කොචින් වලට එද්දි තමයි දැනගන්නේ අහපත් කාලගුණයක් එහි තියන නිසා ගොඩ බාන්න බැහැ කියලා. මේකට උප ගුවන් නියමුවා යෝජනා කරන්නේ බැංගලොර් වලට ගොඩ බස්සමු කියලා. නමුත් ප්‍ර‍ධාන ගුවන් නියමුවා කියනවා බැංගලොර් යන්න බැහැ අපි මේ යානාව ත්‍රිවේන්ද්‍ර‍ම් වලින් ගොඩ බස්සමු කියලා. කොහොම හරි මේ අය ත්‍රිවෙන්ද්‍ර‍ම් වලට යද්දි මටත් වඩා කාලගුණය බායානක වෙලා. දැන් යානාවේ තෙල් මට්ටමත් අඩුයි නැවත බැංගලොර් වෙතට යන්න. මේ තියන විදියට ත්‍රිවේන්ද්‍ර‍ම් වලට ගොඩ බස්සන්නත් බැහැ… දැන් කුමක් වේවිද? ඇයි කොච්න් වෙතින් මේ අයට ත්‍රිවෙන්ද්‍ර‍ම් වලට යන්න එපා එහේ කාලගුණයත් අහපත් කියලා දැන්වුයේ නැත්තේ.. නැත්නම් ඔවුන් දන්වලාත් මේ ප්‍ර‍ධාන නියමුවා තනි මතයට තිරණයක් ගත්තාද? මේ හැමදේම දැනගන්න පුලුවන් චිත්‍ර‍පටිය නැරබුවොතින්…