Shyam Singha Roy (2021) කිසිදා නොමියන ආදරය..!

ශ්‍යාම් සිංහ රෝයි යනු රාහුල් සංක්‍රිත්‍යන් විසින් අධ්‍යක්ෂණය කරන ලද 2021 ඉන්දියානු තෙළිඟු භාෂා කාලාන්තර ආදර නාට්‍ය චිත්‍රපටයකි. 1970 ගණන්වල කොල්කටා පසුබිමේ අර්ධ වශයෙන් පිහිටුවා ඇති එය පුනරුත්පත්තිය යන තේමාව මත පදනම් වේ. මෙම චිත්‍රපටයේ Nani ද්විත්ව චරිත නිරූපණය කරන අතර Sai Pallavi ප්‍රමුඛ කාන්තා චරිතයක් නිරූපණය කළාය. චිත්‍රපටයේ, වාසු යනු කීර්තිගේ කෙටි චිත්‍රපටයේ රඟපාන්නට අවශ්‍ය නිසා ඔහු පසුපස හඹා යන චිත්‍රපට නිෂ්පාදකයෙකි. ක්‍රිති ෂෙට්ටි, මැඩෝනා සෙබස්තියන්, රාහුල් රවීන්ද්‍රන්, අභිනව් ගෝමතම්, ජිෂු සෙන්ගුප්තා, මුරලි ෂර්මා, මනීෂ් වාද්වා සහ තවත් අය ඇතුළු පිරිසක් මෙම චිත්‍රපටයේ රංගනයෙන් දායක වේ.

තෙලිඟු සිනමා රසික බහුතරයක හද දිනූ ” තෙලිඟු සිනමාවේ නැචුරල් ස්ටාර් “ ලෙස නම් දරා සිටින Nani ප්‍රධාන නලුවා ලෙස මෙහි ද්විත්ව රංගනයක යෙදෙනවා.ඒ වාසු සහ ෂ්‍යාම් ලෙස.ප්‍රධාන නිලියන් ගත්තම තුන් දෙනෙක් රංගනයෙන් එක් වෙනවා.ඒ Sai Pallavi , Kriti Shetty සහ Madonna Sebasthiyan යන තිදෙනා.ඉතින් වඩාත්ම පරිණත නිලිය වෙන සායි පල්ලවී මේ තුන් දෙනාගෙනුත් ප්‍රධානතම තැන ලබා ගන්නකොට නැගී එන නිලි ක්‍රීති සහ මැඩෝනාත් අපූරු රංගනයක නියැලෙනවා.

ඒ වන විට මෙහි නිලියන් තිදෙනෙක් රංගනයෙන් එක් වන බවත් ඒ ක්‍රිති ෂෙට්ටි සමඟින් රසිකයන් වඩාත් ඇලුම් කරන සායි පල්ලවී බවත් අපට දැනගන්න ලැබී තිබුනා.කල්කටා , හයිද්‍රාබාද් වල රූගත කිරීම් කරපු චිත්‍රපටයට ආට් ඩිරෙක්ටර් Avinash ගෙන් විශිෂ්ඨ කර්තව්‍යයක් ඉටුව තිබෙන බව ඔයාලට පෙනෙයි.2021 ජූලි 26 වන විට කොරෝන වසංගත අස්සෙ සියලු දෙනාගේම කැපවීමෙන් රූගත කිරීම් අවසන් කරන්න පුළුවන් වුනා.ඉතින් අවාසනාවන්ත සිදුවීමක් තමයි මේ චිත්‍රපටයේ එන ‘Srivennala’ කියන මාත් ආසම අපූරු ගීතය රචනා කල Srivennela Seetharama Sastry ගරු අභාවප්‍රාප්ත වීම.

නැචුරල් ස්ටාර් නානිගේ සිනමා ජීවිතයේ 27 වන චිත්‍රපටය තමයි ශ්‍යාම් සිංග රෝයි..
නානිගෙ සිනමා ජීවිතේ ඔහු ද්විත්ව රංගනයක් ඉදිරිපත් කරන හතර වන චිත්‍රපටය තමයි ශ්‍යාම් සිංග රෝයි.(මීට පෙර Gentlemen , Krishnarjun Yudham , Janda Pai Kapiraju යන චිත්‍රපටවල)
2018 වර්ශයේ සුපර්නැචුරල් කාණ්ඩයේ සුපිරි තෙලිඟු චිත්‍රපටයක් වුනු ටැක්සිවාලා චිත්‍රපටය අධ්‍යක්ෂණය කල රාහුල් සන්ක්‍රිට්යාන් ගේ මීලඟ චිත්‍රපටය තමයි ශ්‍යාම් සිංග රෝයි..
පිට පිට චිත්‍රපට දෙකක් ඩිජිටල් මාධ්‍ය ඔස්සෙ නිකුත් කර වසර දෙකකට පසුව නානි නැවත රිදී තිරයේ බැබලෙන චිත්‍රපටය තමයි ශ්‍යාම් සිංග රෝයි ..
2017 වසරේ බ්ලොක්බස්ටර් MCA චිත්‍රපටයට පසුව සායි පල්ලවී සහ නානි නැවත එක් වන චිත්‍රපටය තමයි ශ්‍යාම් සිංග රෝයි..
2016 වසරේ ප්‍රේමම් (මලයාලම් රීමෙක් එක ) චිත්‍රපටයට පසුව මැඩෝනා සෙබස්තියන් යලිත් තෙලිඟු සිනමාවට පිවිසෙන චිත්‍රපටය තමයි ශ්‍යාම් සිංග රෝයි ..