The Priest (2021) අභිරහස් සියදිවි නසාගැනීම්

පුදුමයට කාරණේ නම් මේ වගේ හොද ෆිල්ම් එකක් අහුවුනේ නැත්තේ ඇයි කියන එක ලොකු ප්‍රශ්නයක්. මොකද පරණ වුනත් කුතුහලයෙන් බලන්න පුළුවන් හොද ෆිල්ම් එකක්. විශේෂයෙන්ම හොරර් මිස්ට්‍රි කැටගරියට කැමති අයට මේක හොදම එකක් වෙයි කියලා විශ්වාස කරනවා.

මේ ෆිල්ම් එකේ නම The Priest. 2021 මාර්තු 11 වෙනිදා නිකුත් කරපු මේ ෆිල්ම් එකේ කතාව වගේම අධ්‍යක්ෂණයත් ජෝෆින් ට් චාකෝගෙන්. (ඒ වෙන කොට කොවිඩ් කාලේ සීමා සහිතවයි චිත්‍රපටය තිරගත කලේ.) මේ චිත්‍රපටයේ නිෂ්පාදනය බි.උන්නික්‍රිෂ්නන්, ඇන්ටෝ ජෝසෆ්, V.N බාබුගෙන්. සංගීත අධ්‍යක්ෂණය රාහුල් රාජ්ගෙන්.

රංගනයෙන් නම් ඉතින් දන්න පිරිසක් ඉන්නේ. මෙගාස්ටර් මමොට්ට්, නිකිලා විමල්, ලේඩි සුපර්ස්ටාර් මංජු වොරියර්, ජගදිෂ්, සානියා අයියප්පන් වගේ අය මේ ෆිල්ම් එකේ ඉන්නවා.

රේටින් ගැන ගත්තොත් IMDB අගය 6/10 කුත්, ගුගල් පරිශීලක අගය 80% කුත් මේ ෆිල්ම් එකට තියෙනවා

මේකේ OTT නිකුත් කරන්නේ ඒ අවුරුද්දෙම අප්‍රේල් 14 වෙනිදා Amazon Prime Video එකෙන්.

අනෙකුත් තොරතුරු:

Cinematography: අඛිල් ජෝර්ජ්

Edited By: ශමීර් මුහම්මද්, ජෙරින් කයිතකොදු

Production Companies: Anto Joseph Film Company (AJFC) / RD Illuminations

Distributed By: Anto Joseph Film Company (ඉන්දියාව) / Truth Global Films (ශ්‍රී ලංකාව ඇතුළු අනෙකුත් රටවල්)

Running time: විනාඩි 147 (පැය 2යි මිනිත්තු 27)

Art Direction: සුජිත් රාඝව්

Screenplay and dialogues: ශ්‍යාම් මොහාන්, දීපූ ප්‍රදීප්

අනෙකුත් රංගන ශිල්පින්:
ශිවාජි ගුරුවායුර්
මොනිකා සිවා (ළමා රංගන ශිල්පී)
මීරා නායිර්
දිනේෂ් පනිචිකර්
T.G රවී
ලිශොයි
රමේෂ් පිෂාරෝඩ්
සිවදාස් කන්නුර්
ෂයිනි ට්. රාජන්
V.K ප්‍රකාශ්
නසීර් සංක්‍රාන්ති
මධුපාල්

කතාව මෙහෙමයි.
කෙටියෙන් කිව්වොත් පල්ලියේ පූජකයෙක් වෙච්ච කාමොන් බෙනඩික්ට් කියන පියතුමායි පොලිසියයි එකතු වෙලා සියදිවි නසාගැනීම් මාලාවක අභිරහසක් විසදන්න උත්සහ කරනවා.. හැබැයි මේක කෙලවර වෙන්නේ කවුරුත් හිතාගන්න බැරි තැනකින්.

දැන් කට්ටියට හිතෙයි මේක හොරර් මිස්ට්‍රි වුනාට නිකම්ම නිකම් ෆිල්ම් එකක් කියලා.. සමහර අය නම් හිතාවි මේක තේරුමක් නැති ෆිල්ම් එකක් කියලා.. (එහෙම උන් නේ ඉන්නේ) එහෙනම් මෙන්න මේ ටික කියවලම ෆිල්ම් එක බලන එක හොදයි කියලා හිතනවා.

මං කලින් කිව්වනේ මේක නිකුත් කලේ කොවිඩ් වසංගතය තිබුණු කාලේ.. ඒ කියන්නේ 2වෙනි රැල්ල හරි තුන්වෙනි රැල්ල වෙන්න ඕනේ. ඉතින් ඒ කාලේ ෆිල්ම් එකක් බ්ලොක්බස්ටර් කරනවා කියන්නේ සරල වැඩක් නෙවෙයි.. ඉතින් කරන්න බැරි දේ මලයාලියෝ ඒක කරලම පෙන්නුවා මේ ෆිල්ම් එකෙන්.

ප්‍රේක්ෂක ප්‍රතිචාර වලින් සැහීමකට පත්වෙන්නේ නැති අය ඊළගට හොයන්නේ ආදායම. ආදායම ගැන කිව්වොත් කේරලයෙන්ම කෝටි 50කට කිට්ටුව හොයපු ෆිල්ම් එකක්. ඉතින් වැඩේ ලේසියි කියලා හිතුවද?

අනිත් දේ වැඩිම TRP අගයත් අරගෙන තියෙන්නේ මේ ෆිල්ම් එකටම තමයි ඉතින්.. (ඒ කාලේ හැටියට)

The Priest (2021) With Sinhala Subtitles | “අභිරහස් සියදිවි නසාගැනීම්” | සිංහල උපසිරැසි සමඟ