Tillu Square (2024) රෑ වැටුනු වලේ දවල් වැටුනු ටිල්ලු

සිද්ධු එහෙමත් නැත්නම් හැමෝම දන්න ඩිජේ ටිල්ලුගේ තවත් පරිච්ඡේදයක් පසුගිය මාර්තු 29 වෙනිදා තිරගතකිරීම් අරඹනු ලැබුවා.. ඉතින් කලින් චිත්‍රපටියට වගේ මේ ෆිල්ම් එකටත් ප්‍රේක්ෂක ප්‍රතිචාර නොඅඩුව ලැබෙන්න ගත්තා. ඩිජේ ටිල්ලු (2022) අධ්‍යක්ෂනය කරන්නේ විමල් ක්‍රිෂ්ණා උනාට Tillu Square (2024) අධ්‍යක්ෂනය කරන්නේ මලික් රාම් කියලා කෙනෙක්.. ඉතින් අධ්‍යක්ෂකවරු දෙන්නෙක්ගෙන් එකම කතාවට නියම සාධාරණයක් ඉෂ්ට වෙනවා. මේ වෙද්දිත් Tillu Square ෆිල්ම් එක IMDB:7/10ක තරම් ඉහල තැනක රැදිලා තියෙනවා. 2024 වර්ෂයේ මේ වෙනකන් තිරගත වූ තෙලිගු සිනමාපට වලින් තෙවෙනියට වැඩිම ආදායමක් ලබගන්න Tillu 2 සමත් උනා

මුල් ෆිල්ම් එකේ [ඩිජේ ටිල්ලු 2022] ආභාෂයෙන් හැදෙන මේ දෙවෙනි ෆිල්ම් එක 100%ක්ම වගේ පළවෙනි ෆිල්ම් එකත් එක්ක සම්බන්ධයි.. ඒ නිසා Tillu Square ෆිල්ම් එක බලන්න කලින් ඉස්සෙල්ලම DJ Tillu 2022 ෆිල්ම් එක බලලා ඉන්න

හරි එහෙනම් අපි කතාව පැත්තට හැරුණොත් ,

Siddhu Jonnalagadda – [ඩිජේ ටිල්ලු]
Anupama Parameswaran – [ලිලී]
Murali Sharma – [ෂෙයික් මෙහ්බූබ්]
Praneeth Reddy – [මාකස්]
Neha Shetty – [‍රාධිකා] – [CAMEO]
Brahmaji – [‍ඉක්ස්පෙක්ටර් රාඕ] – [CAMEO]
Kireeti Damaraju – [‍රෝහිත්] – [CAMEO]

පළවෙනි ෆිල්ම් එකේදී රාධිකා ආදරේ කරලා ටිල්ලුව රවට්ටලා ගියා.. දෙවනි එකේ ඒ රැවටීම කරන්න තව කෙනෙක් එනවා. ඉතින් ටිල්ලුත් රෑ වැටුනු වලේම ආයිමත් දවල් වැටෙනවා.. ටිල්ලු කියන්නේ පිස්සෙක් උනාට ඒ පිස්සට තියෙන්නේ මාස්ටර් මයින්ඩ් එකක්.. කලින් පාර වගේම මේ පාරත් මට්ටු වෙන්නෙ ඒ රවට්ටපු කෙනාම තමයි.. ඒවගේම ඉහත සදහන් කරපු ආරාධිත රංගනයන් ටිල්ලු පළවෙනි ෆිල්ම් එකට සම්බන්ධ අය.. ටිල්ලුගේ කතාව මෙතනින් ඉවර වෙන්නෙ නෑ හොදේ..