My Name Is Shruthi (2023) මාෆියාවක සුල මුල

ප්‍රධාන චරිතය විදිහට රංගනයෙන් දායක වෙන්නෙ දමිළ සිනමාවෙන් ජනප්‍රියත්වට පත් වෙච්ච ගොඩක් දෙනා දන්න කියන Hansika Motwani.. මේක මෙයාගෙ මේ අවුරුද්දෙ ආපු දෙවනි ෆිලුම..ඇයිදෝ මංදා කාලෙක ඉදන් හංසිකා රංගනයෙන් දායක වුන ෆිල්ම්ස් එච්චර සාර්ථක උනේ නම් නෑ…තලපතිලා, සූර්යලා, ජයම් රවීලා වගේ ලොකු ලොකු හිට් නළුවෝ එක්ක රගපාපු හංසිකා පොඩ්ඩක් පහු බැහැල වගේ ගතියක් තියෙනවා..

කතාව ගැන කියනව නම්, ඔයාල හැමෝම දන්නවනේ තරුණ ගැහැණු ලමයි පැහැරගෙන ඉන්දියාවේ සිද්ද වෙන අවයව ජාවාරම, හැබැයි මේක ඒ ගැන නම් නෙවෙයි, ඒ හා සමාන “සම්” ජාවාරම ගැන,මොකක්ද මේ “සම්” ජාවාරම කියන්නෙ.? සම් ජාවාරම කියන්නෙ එක එක ප්‍රශ්න නිසා, ඒ කියන්නෙ සමේ මොකක් හරි රෝගයක් හැදිලා එහෙමත් නැත්තම් වයස නිසා සම ඉරිතැලිලා වගේ දේවල් නිසා ගැහැණු අයගේ සමට මොකක් හරි උනොත්,අවයව බද්ද කරනව වගේ වෛද්‍ය විද්‍යාව හරහා “සම” බද්ද කරන එකට.. ඉතින් අපි කව්ද කැමති අපේ හොදට තියෙන හම වෙන කෙනෙක්ට දෙන්න.. ඔන්න ඕක නිසා තමයි ගැහැණු ලමයින්ව පැහැරගෙන මේ ජාවාරම කරන්නෙ..

ෆිලුමෙ නම් මේ ජාවාරම පිටිපස්සෙ ඉන්නෙ හැම එහෙකම වගේ සුපුරුදු විදිහට මන්ත්‍රී කෙනෙක්… මේ ජාවාරමට කොටු වෙන අපේ ශෘතී (Hansika) මේකෙන් ගැලවෙන හැටියි, මේ ජාවාරමේ සුල මුළ පොලිසියට අහුකරල දෙන හැටියි තමයි ෆිලුම පුරාවටම දුවන්නෙ..ඔය අතරෙ ශෘතී අතින් සිද්ද වෙන මිනීමැරුම් දෙකක් වහන්නත් ශෘතී මාස්ටර් මයින්ඩ් ගේමක් ගහනවා.. ඒ ගේම් ටික කොහොමද කියල බලන්නකො ඔයාලම එහෙනම්..